କେନ୍ଦୁଝର,୧୩ା୬(ସ୍ବ.ପ୍ର.): ୧୦୮ ଆମ୍ବୁଲାନ୍ସ ନ ଆସିବା ଓ ଡାକ୍ତରଖାନାରେ ଇଞ୍ଜେକ୍ସନ ଅଭାବରୁ ସାପ କାମୁଡ଼ାରେ ଜଣେ ମହିଳାଙ୍କ ମୃତ୍ୟୁ ଘଟିଥିବା ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି। ମୃତକ ହେଲେ ହରିଚ଼ନ୍ଦନପୁର ବ୍ଲକ ରାଇଡ଼ିଆ ଗ୍ରାମର ଜିତ଼େନ୍ଦ୍ର ନାଏକଙ୍କ ସ୍ତ୍ରୀ ଦମୟନ୍ତୀ(୪୦)।
ସୂଚନା ଅନୁଯାୟୀ, ଗୁରୁବାର ବିଳମ୍ବିିତ଼ ରାତ଼ିରେ ଦମୟନ୍ତୀ ଘରେ ଶୋଇଥିବା ବେଳେ ଏକ ପାହାଡ଼ିଆ ଚ଼ିତ଼ିସାପ ତାଙ୍କ ଗୋଡ଼କୁ କାମୁଡ଼ି ଦେଇଥିଲା। ସେ ଚ଼ିତ୍କାର କରିବାରୁ ପରିବାରଲୋକେ ସାପଟିକୁ ଏକ ମାଛଧରା ଜାଲରେ କାବୁ କରି ନେଇଥିଲେ। ଡ଼ାକ୍ତରଖାନା ନେବାକୁ ୧୦୮ ଆମ୍ବୁଲାନ୍ସକୁ ଫୋନ କରିଥିଲେ ମଧ୍ୟ ଆମ୍ବୁଲାନ୍ସ ଆସି ନ ଥିଲା। ବାଧ୍ୟହୋଇ ଜଣେ ପଡ଼ୋଶୀଙ୍କ ବାଇକ୍ରେ ନେଇ ପ୍ରଥମେ ହରିଚ଼ନ୍ଦନପୁର ଡ଼ାକ୍ତରଖାନାରେ ଭର୍ତ୍ତି କରିଥିଲେ। ମାତ୍ର ସେଠାରେ ସାପ କାମୁଡ଼ା ଇଞ୍ଜେକ୍ସନ ନ ଥିବାରୁ ଡ଼ାକ୍ତର ତାଙ୍କୁ କେନ୍ଦୁଝର ଜିଲା ମୁଖ୍ୟଚ଼ିକିତ୍ସାଳୟକୁ ସ୍ଥାନାନ୍ତର କରିଥିଲେ। ସେଠାରେ ମଧ୍ୟ ସରକାରୀ ଆମ୍ବୁଲାନ୍ସ ମିଳି ନ ଥିଲା। ପରେ ଏକ ଘରୋଇ ଆମ୍ବୁଲାନ୍ସ ଭଡ଼ାକରି ରାତି ୨ଟା୩୦ରେ କେନ୍ଦୁଝର ମୁଖ୍ୟ ଚ଼ିକିତ୍ସାଳୟରେ ଭର୍ତ୍ତି କରିଥିଲେ। ସେଠାରେ ଚ଼ିକିତ୍ସା ଚ଼ାଲିଥିବା ବେଳେ ସକାଳ ୬ଟା୩୦ସମୟରେ ଦମୟନ୍ତୀଙ୍କର ମୃତ୍ୟୁ ଘଟିଥିଲା। କେନ୍ଦୁଝର ଜିଲାରେ ବିଭିନ୍ନ ସମୟରେ ସାପ କାମୁଡ଼ାରେ ବହୁ ଲୋକଙ୍କ ମୃତ୍ୟୁ ଘଟୁଥିବାବେଳେ ଡ଼ାକ୍ତରଖାନାରେ ସାପ କାମୁଡ଼ା ଇଞ୍ଜେକ୍ସନ ମିଳୁ ନ ଥିବାରୁ ଅସନ୍ତୋଷ ପ୍ରକାଶ ପାଉଛି। ମୃତ ଦମୟନ୍ତୀଙ୍କର ଦୁଇ ନାବାଳକ ପୁତ୍ର ଅସହାୟ ହୋଇ ପଡ଼ିଥିବାରୁ ତାଙ୍କ ପରିବାରକୁ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି।
