ପ୍ୟାରିସ୍,୨୧।୫(ଏଏଫପି): କଲମ୍ବିଆର ତାରକା ସାଇକ୍ଲିଷ୍ଟ ପାଣ୍ଟାନୋ ଡୋପିଂ କାରଣରୁ ୪ ବର୍ଷ ବାସନ୍ଦାଦେଶର ସମ୍ମୁଖୀନ ହୋଇଛନ୍ତି। ଗତ ବର୍ଷ ହୋଇଥିବା ଡୋପ୍ ଟେଷ୍ଟରେ ସେ ବିଫଳ ହୋଇଛନ୍ତି। ନିଷିଦ୍ଧ ପଦାର୍ଥ ତତା ବ୍ଲଡ ବୁଷ୍ଟର ଇପିଓ ତାଙ୍କ ନମୁନାରେ ଥିବା ପ୍ରମାଣ ମଳିଥିଲା। ଫଳରେ ବିଶ୍ୱ ସାଇକ୍ଲିଂର ସର୍ବୋଚ୍ଚ ପ୍ରଶାସନିକ ସଂସ୍ଥା ତାଙ୍କୁ ବାସନ୍ଦ କରିବାକୁ ଘୋଷଣା କରିଛି।
୨୦୧୬ ଟୁରୁ ଡି ଫ୍ରାନ୍ସର ଏକ ପର୍ଯ୍ୟାୟରେ ସେ ବିଜେତା ହୋଇଥିଲେ। ୨୦୧୯ ଫେବୃୟାରୀରେ ହୋଇଥିବା ଆଉଟ୍ ଅଫ୍ କମ୍ପିଟିଶନ ଟେଷ୍ଟରେ ବିଫଳ ହୋଇଥିଲେ। ୨୦୧୭ରେ ୩୧ ବର୍ଷୀୟ ପାଣ୍ଟାନୋ କଲମ୍ବିଆର ଟାଇମ୍- ଟ୍ରଏଲ ଚାମ୍ପିୟନ ହୋଇଥିଲେ। ତାଙ୍କୁ ୨୦୧୯ ଏପ୍ରିଲ୍ରେ ସାମୟିକ ଭାବେ ବାସନ୍ଦ କରାଯାଇଥିଲା। ସେ ମଧ୍ୟ ଟୁର ଅଫ ସୁଇଜରଲାଣ୍ଡ ଓ ଟୁର ଅଫ କାଟାଲୋନିଆର କେତୋଟି ପର୍ଯ୍ୟାୟରେ ଚାମ୍ପିୟନ ହୋଇଥିଲେ। ଗତ ଜୁନ୍ରେ ସେ କ୍ରୀଡ଼ାରୁ ଅବସର ଘୋଷଣା କରିଥିଲେ।
