ଫିରିଙ୍ଗିଆ,୨୩ା୧୦- କନ୍ଧମାଳ ଜିଲା ଫିରିଙ୍ଗିଆ ବ୍ଲକ ସାଡ଼ିଙ୍ଗିଆ ପଞ୍ଚାୟତ ମୁଣ୍ଡାମାସ୍କା ଗ୍ରାମରେ ସ୍ବାମୀଙ୍କଠାରୁ ମାଡ଼ ଖାଇ ଗୁରୁତର ହୋଇଥିବା ଜଣେ ମହିଳାଙ୍କୁ ଖଟିଆରେ ବୁହାଯାଇ ଡାକ୍ତରଖାନାକୁ ନିଆଯାଇଛି। ଗ୍ରାମକୁ ଆମ୍ବୁଲାନ୍ସ ଆସି ନ ପାରିବାରୁ ପ୍ରାୟ ୫ କି.ମି. ଦୂର ସାଡିଙ୍ଗିଆ ପର୍ଯ୍ୟନ୍ତ ଲୋକେ ତାଙ୍କୁ ଖଟିଆରେ ବୋହି ନେଇଥିଲେ। ସେଠାରୁ ମହିଳା ଜଣଙ୍କୁ ଅଟୋରେ ଫିରିଙ୍ଗିଆ ଡାକ୍ତରଖାନାକୁ ନିଆଯାଇଥିଲା। ପରେ ତାଙ୍କୁ ଅଧିକ ଚିକିତ୍ସା ପାଇଁ ଫୁଲବାଣୀ ମେଡିକାଲରେ ଭର୍ତ୍ତିି କରାଯାଇଛି। ଗୁରୁତର ମହିଳା ଜଣକ ହେଲେ କାମିନୀ ମଲ୍ଲିକ। ମୁଣ୍ଡାମାସ୍କା ଗ୍ରାମର କାମିନୀ ତରକାରିରେ ଲୁଣ ପକାଇବାକୁ ଭୁଲି ଯାଇଥିଲେ। ଅଲଣା ହୋଇଥିବାରୁ କାମିନୀଙ୍କୁ ତାଙ୍କ ସ୍ବାମୀ ନିସ୍ତୁକ ମାଡ଼ ମାରିଥିଲେ। ସେ ଗୁରୁତର ହୋଇ ଚିତ୍କାର କରୁଥିବା ବେଳେ ସ୍ବାମୀ ସେଠାରୁ ପଳାଇ ଯାଇଥିଲେ। ପଡିଶା ଲୋକେ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ। କିନ୍ତୁ ରାସ୍ତା ଖରାପ ଥିବାରୁ ତାହା ଆସି ପାରି ନ ଥିଲା। ଫଳରେ ଗ୍ରାମବାସୀ ଏକ ଖଟିଆରେ କାମିନୀଙ୍କୁ ମୁଣ୍ଡାମାସ୍କାଠାରୁ ସାଡ଼ିଙ୍ଗିଆ ପର୍ଯ୍ୟନ୍ତ ବୋହି ଆଣିବାକୁ ବାଧ୍ୟ ହୋଇଥିଲେ।
