ଗଞ୍ଜାମ,୨ା୪(ଡି.ଏନ୍.ଏ.): କରୋନା ଭୂତାଣୁକୁ ନେଇ ସାରା ବିଶ୍ୱ ଏବେ ଆତଙ୍କିତ ଅବସ୍ଥାରେ ରହିଛି। ଏଥିପାଇଁ କେନ୍ଦ୍ର ଏବଂ ରାଜ୍ୟ ସରକାର ଲକ୍ଡାଉନ୍ ଘୋଷଣା କରିଛନ୍ତି। ଏଭଳି ପରିସ୍ଥିତିରେ ଗଞ୍ଜାମ ତହସିଲ କାର୍ଯ୍ୟାଳୟଠାରୁ ମାତ୍ର ୨୦୦ମିଟର ଦୂରରେ ବାହାର ରାଜ୍ୟରୁ ଆସିଥିବା ଶହ ଶହ ଗାଡ଼ି ଅଟକି ରହିଥିବା ଦେଖିବାକୁ ମିଳିଛି। ଏମିତିକି ଲକ୍ଡାଉନ୍ ପରେ ମଧ୍ୟ କିଛି ପଶ୍ଚିମବଙ୍ଗ ନମ୍ବର ଥିବା ଟ୍ୟାଙ୍କର ଆସିଥିବା ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି l ବାହାରୁ ଆସିଥିବା ଗାଡ଼ି ଡ୍ରାଇଭରମାନଙ୍କୁ ପଞ୍ଜୀକୃତ କରାଯାଇଛି କି ନାହିଁ କିମ୍ବା ସେମାନଙ୍କ ସ୍ବାସ୍ଥ୍ୟ ପରୀକ୍ଷା କରାଯାଇଛି ନାହିଁ ତାହା ସନ୍ଦେହ ଘେରରେ ରହିଛି। ଏଥିପ୍ରତି ପ୍ରଶାସନ ଦୃଷ୍ଟି ଦେବା ଆବଶ୍ୟକ ବୋଲି ସହରବାସୀ କହିଛନ୍ତି।
