ନୂଆଦିଲ୍ଲୀ,୧୧-୧୨: ସାରା ଦେଶରେ ମୋବାଇଲ ନମ୍ବର ପୋର୍ଟେବିଲିଟି(ଏମ୍ଏନ୍ପି) କୁ ତ୍ୱରିତ ଏବଂ ସରଳ କରିବା ଲାଗି ଟେଲିକମ୍ ରେଗୁଲେଟୋରୀ ଅଥରିଟି ଅଫ୍ ଇଣ୍ଡିଆ ( ଟ୍ରାଇ) ପକ୍ଷରୁ ପଦକ୍ଷେପ ନିଆଯାଇଛି। ଏଥିଲାଗି ଟ୍ରାଇ ପରିବର୍ତ୍ତିତ ଏମ୍ଏନ୍ପି ଧାରା ନେଇ ଏକ ପବ୍ଲିକ ନୋଟିସ ଜାରି କରିଛି। ନୂଆ ନିୟମ ଚଳିତ ମାସ ୧୬ରୁ ଲାଗୁ ହେବ ବୋଲି ଏହି ବିଜ୍ଞପ୍ତିରେ କୁହାଯାଇଛି। ନୂଆ ଧାରାରେ ପୋର୍ଟ ଆଉଟ ଲାଗି ସର୍ଭିସ ଭିତରେ ୩ ଦିନ ଏବଂ ଅନ୍ୟ ସର୍କଲରେ ହେଲେ ଏହା ୫ ଦିନ ସମୟ ଲାଗିବ ବୋଲି କୁହାଯାଇଛି। ଏହି ସମୟ ମଧ୍ୟରେ ୟୁନିକ ପୋର୍ଟିଂ କୋଡ(ୟୁପିସି) ଆସି ପାରିବ। କର୍ପୋରେଟ ମୋବାଇଲ କମ୍ୟୁନିକେଶନ ଲାଗି ସମୟ ସୀମାରେ କୌଣସି ପରିବର୍ତ୍ତନ ହୋଇ ନ ଥିବା ଟ୍ରାଇ ପକ୍ଷରୁ କୁହାଯାଇଛି।
