ବାହାନଗା, ୪।୮(ଡି.ଏନ୍.ଏ.): ବାଲେଶ୍ୱର ଜିଲା ଓପଦା ବ୍ଲକ ନରସିଂହପୁର ପଞ୍ଚାୟତର ବାହିଗଢିଆ ଗ୍ରାମରେ ଶନିବାର ରାତିରେ ଦଶାହ ଭୋଜି ଖାଇ କେତେକ ଲୋକ ଝାଡା ବାନ୍ତିରେ ଆକ୍ରାନ୍ତ ହୋଇଛନ୍ତି। ସେମାନଙ୍କ ମଧ୍ୟରୁ ୭ ଜଣଙ୍କୁ ଗୁରୁତର ଅବସ୍ଥାରେ ଖଣ୍ଡପଡ଼ା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ସେମାନେ ହେଲେ ଘନ ସିଂ ପୁଅ ବିଜୁ , ପ୍ରଫୁଲ କୁମାର ସିଂ, ରଘୁନାଥ ସିଂ ସ୍ତ୍ରୀ ପୂଜା, ବାପୁନ ସିଂ ସ୍ତ୍ରୀ ମମତା, ପ୍ରଦୀପ ସିଂ ପୁଅ ଗୌତମ, ଘାସି ସିଂ ପୁଅ କଟି ଓ ପୂର୍ଣ୍ଣ ସିଂ ପୁଅ ବାବୁ । ତେବେ ସେଠାରେ ୬ ଜଣଙ୍କ ସ୍ବାସ୍ଥ୍ୟବସ୍ଥା ଅଧିକ ଗୁରୁତର ହେବାରୁ ତାଙ୍କୁ ଜିଲା ମୁଖ୍ୟଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।
