ଦାରିଙ୍ଗବାଡ଼ି,୨୪।୧୧(ଡି.ଏନ୍.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି ଥାନାର କାର୍ଯ୍ୟରତ ଏଏସ୍ଆଇ ଆର୍. ଭୀମ୍ମାରାଓ ରେଡ୍ଡୀଙ୍କ ଶନିବାର ସନ୍ଧ୍ୟା ସମୟରେ ବ୍ରହ୍ମପୁରର ଏକ ଘରୋଇ ହସ୍ପିଟାଲରେ ମୃତ୍ୟୁ ଘଟିଛି।
ପ୍ରକାଶ ଯେ, ଭୀମ୍ମାରାଓ ଶୁକ୍ରବାର ହଠାତ୍ ଅସୁସ୍ଥ ହୋଇ ଦାରିଙ୍ଗବାଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଥିଲେ। ପେଟରେ ଅସହ୍ୟ ଯନ୍ତ୍ରଣା ହେବାରୁ ଡାକ୍ତର ତାଙ୍କୁ ଅନ୍ୟତ୍ର ସ୍ଥାନାନ୍ତର ଲାଗି ପରାମର୍ଶ ଦେଇଥିଲେ। ପରେ ତାଙ୍କୁ ଶୁକ୍ରବାର ସାରେ ବ୍ରହ୍ମପୁରସ୍ଥ ଏକ ଘରୋଇ ନର୍ସିଂହୋମ୍କୁ ନିଆଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ଶନିବାର ସାରେ ତାଙ୍କର ମୃତ୍ୟୁ ଘଟିଥିଲ।
ଏଏସ୍ଆଇ ରେଡ୍ଡୀଙ୍କ ନିଜ ଗ୍ରାମ ଗଞ୍ଜାମ ଜିଲା ରମ୍ଭା ହୋଇଥିବା ବେଳେ ସେ ବ୍ରହ୍ମପୁରସ୍ଥିତ ଗଜପତି ନଗରରେ ରହି ଆସୁଥିଲେ। ପ୍ରାୟ ୪ବର୍ଷ ହେବ ଦାରିଙ୍ଗବାଡ଼ି ଥାନାରେ ଏଏସ୍ଆଇ ଭାବେ କାର୍ଯ୍ୟରତ ଥିଲେ। ରେଡ୍ଡୀଙ୍କ ଦେହାନ୍ତ ଖବର ପାଇ ଦାରିଙ୍ଗବାଡି ଆଇଆଇସି କୌଶିକ୍ ମାଝିଙ୍କ ସମେତ ରାଇକିଆ ଆଇଆଇସି ଅଲେଖ ଗରଡିଆ, ତୁମୁଡିବନ୍ଧ ଥାନାଧିକାରୀ ବାବା ଶଙ୍କର ସରଫ, ଓକିଲ ମନୋଜ ପଣ୍ଡା ପ୍ରମୁଖ ତାଙ୍କୁ ଶେଷ ଦର୍ଶନ ଲାଗି ପହଞ୍ଚତ୍ଛନ୍ତି। ଏଥିସହ ଥାନାର ସମସ୍ତ କର୍ମଚାରୀ ଶୋକ ପ୍ରକାଶ କରିଛନ୍ତି। ବିଭିନ୍ନ ସଂଗଠନ ପକ୍ଷରୁ ତାଙ୍କ ଆତ୍ମାର ସଦ୍ଗତି କାମନା କରାଯାଇ କ୍ୟାଣ୍ଡେଲ ଶୋଭାଯାତ୍ରା ଓ ଶୋକସଭା କରାଯାଇଛି।
