ଦିନେ ଯାତ୍ରା ଦେଖୁ ନ ଥିଲେ, ଏବେ ଯାତ୍ରା କଳାକାର

ଓଡ଼ିଆ ଯାତ୍ରା ଜଗତର ଜଣେ ଆଗଧାଡ଼ିର ଯୁବ କଳାକାର ହେଉଛନ୍ତି ଅରୁଣ କୁମାର ଲେଙ୍କା। ଲୋକପ୍ରିୟ ନାଟକ ‘ଗୁପ୍ତ ସମ୍ପର୍କ’ରେ ଜନଜାତି ଚରିତ୍ରରେ ଅଭିନୟ କରି ସେ ଲୋକଲୋଚନକୁ ଆସିଥିଲେ। ନାଟକର ବଡ଼ଭାଇ ଭୂମିକାରେ ଅଭିନୟ କରି ବେଶ୍‌ ପ୍ରଶଂସା ସାଉଣ୍ଟିଥିଲେ ଅରୁଣ। ଢେଙ୍କାନାଳ ଜିଲାର ସରଦେଈପୁର ଗଁାରେ ଜୟକୃଷ୍ଣ ଲେଙ୍କା ଏବଂ ଅମୂଲ୍ୟ ଲେଙ୍କାଙ୍କ କୋଳରେ ଜନ୍ମଗ୍ରହଣ କରିଥିବା ଅରୁଣ ୧୯୯୭ ମସିହାରେ ଆସିଲେ ଯାତ୍ରାକୁ। ତେବେ ଯାତ୍ରାକୁ ଆସିବା ନେଇ ତାଙ୍କର କୌଣସି ଯୋଜନା ନ ଥିଲା। ଏପରି କି ନା ସେ ଯାତ୍ରା କରିଥିଲେ ନା ଯାତ୍ରା ଦେଖୁଥିଲେ। ଓଲଟି ଯେତେବେଳେ ସାଙ୍ଗମାନେ କହୁଥିଲେ, ଚାଲ ଅମୁକ ଜାଗାରେ ଯାତ୍ରା ହେଉଛି ଦେଖିବାକୁ ଯିବା ସେତେବେଳେ ସେ ହସି ଉଡ଼େଇ ଦେଉଥିଲେ। କହୁଥିଲେ ରାତିରେ ନ ଶୋଇ କିଏ ଯିବ ଯାତ୍ରା ଦେଖିବାକୁ। ମାତ୍ର ଭାଗ୍ୟ ତାଙ୍କୁ ଯାତ୍ରାକୁ ଆଣିବା ପାଇଁ ହିଁ ଯୋଜନା କରିଥିଲା। ସେଥିଲାଗି ଗୋଟେ ଝୁଙ୍କ୍‌ରେ ଅରୁଣ ଆସି ଯୋଗଦେଲେ ଭାରତ ଗଣନାଟ୍ୟରେ। ତେବେ ଯାତ୍ରାକୁ ଆସିବା ପରେ ଆରମ୍ଭ ହେଲା ତାଙ୍କର ଅସଲ ସଂଘର୍ଷ। ପାର୍ଟ ତ ମିଳିଲା ନାହିଁ; ସେ ପାର୍ଟିର ପେଟି, ଚେୟାର ବୋହି ନିଜର ଗୁଜୁରାଣ ମେଣ୍ଟେଇଲେ। କଦବା କ୍ୱଚିତ ଗୁଣ୍ଡା ହୋଇ ନ ହେଲେ କନ୍‌ଷ୍ଟେବଳ ହେଇ ମଞ୍ଚକୁ ଯିବାର ସୁଯୋଗ ମିଳୁଥିଲା। ସେଥିରେ ପୁଣି ନା ଥିଲା ଡାଏଲଗ ନା ଥିଲା ଆକ୍ଟିଂ। କେବଳ ପୋଷାକ ପିନ୍ଧି ମଞ୍ଚକୁ ଯିବା ଆଉ ଆସିବା। ଏମିତିରେ ଗୋଟିଏ ବର୍ଷ ବିତିଲା। ସେ ଭାରତ ଗଣନାଟ୍ୟ ଛାଡ଼ି ଜଗଦ୍ଧାତ୍ରୀ ଗଣନାଟ୍ୟରେ ଯୋଗଦେଲେ। ଏଇ ଜଗଦ୍ଧାତ୍ରୀରେ ହିଁ ସେ ଜଣେ ଆକ୍ଟର ଭାବରେ ଯୋଗଦେଲେ। ଅନୁଷ୍ଠାନର ନାଟକ ମାଣିକ, ମହାପାତ୍ର ଘର ବଡ଼ବୋହୂ, ଅଗଷ୍ଟ ପନ୍ଦର ଭାରତ ବନ୍ଦ ଆଦି ନାଟକରେ ତାଙ୍କୁ ରୋଲ୍‌ ମିଳିଲା। ଭଲ ଚେହେରା ସାଙ୍ଗକୁ ମୁଣ୍ଡରେ ମେଞ୍ଚେ ଚୁଟି ରଖିଥିଲେ। ତେଣୁ ତାଙ୍କୁ ନେଗେଟିଭ୍‌ ଭୂମିକା ପାଇଁ ବଛାଗଲା। ଆଉ ତାହା ବି ତାଙ୍କର ପସନ୍ଦ ଥିଲା। ଇତିମଧ୍ୟରେ ସେ ଯାତ୍ରାରେ ୨୨ବର୍ଷ ଅତିକ୍ରାନ୍ତ କରି ସାରିଲେଣି। ଦୁର୍ଗାଶ୍ରୀ, ତାରପୁର ଅପେରା, ଉତ୍ତରାୟଣୀ ଅପେରା ସାତଶଙ୍ଖ, ଶିବମ୍‌ ଗଣନାଟ୍ୟ, ଅପେରା ମା’ ତାରିଣୀ, ଚିନ୍ମୟୀ ଗଣନାଟ୍ୟ, ବାଣେଶ୍ୱରୀ ଆଦି ଅନୁଷ୍ଠାନରେ ଅଭିନୟ କରି ଏବେ ତିନିବର୍ଷ ଧରି ଯାତ୍ରାଶ୍ରୀ ବିଶ୍ୱଦରବାରରେ ନିଜର ଅଭିନୟ ଜାରି ରଖିଛନ୍ତି। ସେ ଅଭିନୟ କରିଥିବା ନାଟକଗୁଡ଼ିକ ମଧ୍ୟରେ ରହିଛି ଓଏମ୍‌ପି ଛକରେ ଝିଅଟି କିଏ, ନାଲି ସୁଇଟର ନେପାଳି ଝିଅ, ଗୋଲାପି ଦିଦି, କହିବାକୁ ମୋତେ ଲାଜ ଲାଗୁଛି, ଚନ୍ଦ୍ରମଣି ତୁ ମରିଯା, ମିଛ କହିବାକୁ କିଅଁା ଡରିବି, ଦୁନିଆ କହିବ କିଏ ମୋ ସ୍ବାମୀ, ଗୁପ୍ତ ସମ୍ପର୍କ, ଆକାଶ କଇଁଆ ଚିଲିକା ମାଛ, ତମ କଥା ଭାରି ମନେପଡୁଛି ଏବଂ ଆହୁରି ଅନେକ। ଗୋଟେ ସମୟରେ ସେ ଯାତ୍ରାକୁ ଆସିବା କଥା ଘରେ ଜାଣି ନ ଥିଲେ। ଜାଣିବା ପରେ ମନଊଣା ବି କରିଥିଲେ। ହେଲେ ଏବେ ତାଙ୍କୁ ନେଇ ପରିବାର ବେଶ ଖୁସି। ବାପା ଓ ମା’ଙ୍କ ଆଶୀର୍ବାଦ ତଥା ପତ୍ନୀ ସବିତା ଲେକାଙ୍କ ପ୍ରେରଣା ତାଙ୍କୁ ଆଗକୁ ଆଗେଇଯିବାରେ ସହାୟକ ହେଉଛି ବୋଲି କହନ୍ତି ଏହି ଅଭିନେତା।


Enter your email to get our daily news in your inbox.

All Right Reserved By Dharitri.Com
Featured Video Play Icon

ଖାଲି ପେଟରେ କାହିଁକି ଖାଆନ୍ତି ଗ୍ୟାସ ବଟିକା?

ଅଧିକ ଖାଇ ଦେଲେ ଗ୍ୟାସ ହୁଏ , କିଛି ନ ଖାଇଲେ ବି ଗ୍ୟାସ ହୁଏ କାହିଁକି ? ଶୁଣନ୍ତୁ ଏନେଇ କଣ କହୁଛନ୍ତି ଡାକ୍ତର।

ଏସବୁ ଗୁଣକୁ କାଢ଼ି ଫୋପାଡି ଦେଲେ ରାତାରାତି ହୋଇଯିବେ…

ମହାନ ଆଚାର୍ଯ୍ୟ ତଥା ପଣ୍ଡିତ ଚାଣକ୍ୟଙ୍କ ନୀତିଶାସ୍ତ୍ର ବିଭିନ୍ନ ବିଷୟ ଉପରେ ପ୍ରଚାର କରିବା ସହିତ ସଠିକ୍‌ ମାର୍ଗଦର୍ଶନ କରାଇଥାଏ। ସେ ବ୍ୟକ୍ତିଗତ ହେଉ କି...

ସନ୍ତୁଳିତ ରହିବ ଡାଇବେଟିସ୍‌

ଆଜିକାଲି ଡାଇବେଟିସ୍‌ ଏକ ସାଧାରଣ ସ୍ବାସ୍ଥ୍ୟ ସମସ୍ୟା ପାଲଟିଗଲାଣି କହିଲେ ଆଦୌ ଭୁଲ ହେବ ନାହିଁ। ଡାଇବେଟିସ୍‌ ଯଦି ଜଟିଳ ଆକାର ଧାରଣ କରେ ଏବଂ...

କୃତ୍ରିମ ରକ୍ତ

ପିଟ୍ସବର୍ଗ ମେଡିକାଲ ୟୁନିଭରସିଟିର ରୋଗୀ ରକ୍ତ ପରିଚାଳନା କାର୍ଯ୍ୟକ୍ରମର ନିର୍ଦ୍ଦେଶକ ଜୋନାଥନ ୱାଟର୍ସ ଗତ ଏକ ଦଶନ୍ଧି ମଧ୍ୟରେ ଏହାକୁ ବ୍ୟବହାର କରି ଅନେକ ରୋଗୀଙ୍କ...

ଉପାଦେୟ ଅଶୋକ ପୁଷ୍ପ

ରାମାୟଣରେ ବର୍ଣ୍ଣିତ ହୋଇଛି ଯେ, ରାବଣ ସୀତାଙ୍କୁ ଚୋରାଇ ନେଇ ଲଙ୍କାର ଅଶୋକ ବନରେ ବନ୍ଦୀ କରି ରଖିଥିଲା। ଅଶୋକ ବୃକ୍ଷ ମୂଳରେ ବସି ସୀତା...

ନିୟମିତ ଦହି ଖାଉଥିଲେ…

ଦହି ପ୍ରାକୃତିକ ଭାବେ ହେଉଥିବାରୁ ଏହା ସ୍ବାସ୍ଥ୍ୟ ପାଇଁ ଉପଯୋଗୀ। ଏଥିରେ ଅନେକ ପ୍ରକାର ସ୍ବାସ୍ଥ୍ୟୋପକାରୀ ଗୁଣ ଭରି ରହିଛି। ଶରୀରରେ ରୋଗ ପ୍ରତିରୋଧକ ଶକ୍ତିକୁ...

କନ୍ଦମୂଳ ଖାଉଥିଲେ…

ଆମ ଭିତରୁ ଅନେକେ କନ୍ଦମୂଳ ଖାଇବାକୁ ବହୁତ ଭଲ ପାଇଥାନ୍ତି। ଏହା ଖାଇବାକୁ ଯେମିତି ସୁସ୍ବାଦୁ ଲାଗେ ସେମିତି ଶରୀର ପାଇଁ ବେଶ୍‌ ଉପକାରୀ ମଧ୍ୟ...

ପିଲାଙ୍କ ସ୍ମରଣ ଶକ୍ତି ବଢ଼ାଇବା ପାଇଁ ଚାହୁଁଥିଲେ…

କୁହାଯାଏ, ବାସ୍ତୁ ଅନୁଯାୟୀ ପିଲାମାନଙ୍କ ରୁମ୍‌ ହୋଇଥିଲେ ସେମାନଙ୍କୁ ଭଲ ନିଦ ହେବା ସହ ସେମାନଙ୍କ ସ୍ମରଣ ଶକ୍ତି ପ୍ରଖର ହୋଇଥାଏ। ଏଥିସହିତ ପାଠପଢା ପାଇଁ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri