ନୂଆଦିଲ୍ଲୀ,୨୪।୫: ଦିଲ୍ଲୀର ୯୨ଟି ନିଷିଦ୍ଧାଞ୍ଚଳ ମଧ୍ୟରୁ ୪୫ଟିରେ ଗତ ୧୪ ଦିନ ମଧ୍ୟରେ ଜଣେ ହେଲେ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇ ନ ଥିବାରୁ ସେଗୁଡ଼ିକ ଅରେଞ୍ଜ ଜୋନ୍ରେ ପରିଣତ ହୋଇଛି। ଆଗାମୀ ଦୁଇ ସପ୍ତାହରେ ଯଦି ନୂଆ ସଂକ୍ରମିତ ନ ବାହାରନ୍ତି ତେବେ ସେଗୁଡ଼ିକ ଗ୍ରୀନ୍ ଜୋନ୍ରେ ପରିଣତ ହୋଇପାରିବ ବୋଲି ଶନିବାର ଜଣେ ସରକାରୀ ଅଧିକାରୀ କହିଛନ୍ତି। ଦିଲ୍ଲୀରେ ୧୨୬ଟି ଅଞ୍ଚଳକୁ କଣ୍ଟେନ୍ମେଣ୍ଟ ଜୋନ୍ ବା ନିଷିଦ୍ଧାଞ୍ଚଳ ଘୋଷଣା କରାଯାଇଥିଲା। ଗତ କିଛି ସପ୍ତାହ ମଧ୍ୟରେ ୩୪ଟି ଅଞ୍ଚଳକୁ ବାଦ୍ ଦିଆଯାଇଥିବାବେଳେ ୯୨ଟି କଣ୍ଟେନ୍ମେଣ୍ଟ ଜୋନ୍ରେ ଥିଲେ। ୪୫ଟି ଜୋନ୍ରେ ଗତ ୧୪ ଦିନରେ ନୂଆ ସଂକ୍ରମିତ ବାହାରି ନ ଥିବାରୁ ସେଠାରେ ରହୁଥିବା ୨.୫ ଲକ୍ଷ ଲୋକ ଖୁବ୍ଶୀଘ୍ର ସ୍ବାଭାବିକ୍ ଜୀବନଶୈଳୀକୁ ଫେରିବେ ବୋଲି କୁହାଯାଉଛି।
