ଧର୍ମଶାଳା,୧୮।୫(ଡି.ଏନ.ଏ.)- ଧର୍ମଶାଳା ଥାନା ଅନ୍ତର୍ଗତ ୧୬ ନଂ. ଜାତୀୟ ରାଜପଥ ନେଉଳପୁରଠାରେ ଶନିବାର ଅପରାହ୍ନ ୪ଟାରେ ବସ୍, ଟ୍ରକ୍ ସହ କାରର ମୁହଁାମୁହଁି ଧକ୍କା ହେବା ଫଳରେ କାର୍ ଡ୍ରାଇଭର ଗୁରୁତର ହୋଇଛନ୍ତି। ଗୁରୁତର ଜଣକ ହେଲେ ବଡ଼ଚଣା ଥାନା କଡେଇ ଗ୍ରାମର ପ୍ରଶାନ୍ତ ସାମଲ (୨୨)। ଖବରପାଇ ଚଣ୍ଡିଖୋଲ ଦମକଳବାହିନୀ
ଘଟଣାସ୍ଥଳରେ ପହଞ୍ଚି କାର୍ ଡ୍ରାଇଭରଙ୍କୁ ଉଦ୍ଧାର କରି ବଡ଼ଚଣା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ପ୍ରାଥମିକ ଚିକିତ୍ସା ପରେ ତାଙ୍କୁ କଟକ ବଡ଼ ଡାକ୍ତରଖାନା ପଠାଯାଇଛି। ପ୍ରକାଶ ଯେ, ଜାତୀୟ ରାଜପଥ ପ୍ରଶସ୍ତୀକରଣ ହେଉଥିବାରୁ ଗୋଟିଏ ପଟ ରାସ୍ତାବନ୍ଦ କରାଯାଇ ଅନ୍ୟ ପଟେ ଗାଡ଼ି ଚଳାଚଳ ହେଉଛି। ଏହି ସମୟରେ ଟ୍ରକ୍ ନଂ(ଏପି-୧୬ଟିଜେ-୦୭୨୯) ସହ କାର୍ ନଂ. (ଓଆର-୦୫ଏପି-୪୫୨୩) ଧକ୍କା ହୋଇଥିଲା। ପଛରୁ ଆସିଥିବା ଏକ ବସ୍ ନଂ. (ଓଡି-୦୫ଡବ୍ଲ୍ୟୁ-୫୨୫୭) ଟ୍ରକ୍ ପଛରେ ବାଡେଇ ହୋଇଯାଇଥିଲା। ଫଳରେ କାର୍ ଡ୍ରାଇଭର ଗୁରୁତର ହୋଇଥିଲେ। ଖବରପାଇ ଧର୍ମଶାଳା ପୋଲିସ ଘଟଣାସ୍ଥଳରେ ପହଞ୍ଚତ୍ ଦୁର୍ଘଟଣାଗ୍ରସ୍ତ ଗାଡିଗୁଡିକୁ ଜବତ କରିବା ପରେ ରାସ୍ତା ଅବରୋଧ ହଟି ଗାଡି ଚଳାଚଳ ସ୍ବାଭାବିକ ହୋଇଥିଲା।
