ଖଣ୍ଡପଡ଼ା,୯ା୩(ସ୍ବ.ପ୍ର.): ସୋମବାର ଦୋଳ ପୂର୍ଣ୍ଣମୀ ଅବସରରେ ଶ୍ରୀ ନୀଳମାଧବ ଜୀଉଙ୍କ ସିଂହଦ୍ୱାରସ୍ଥିତ ଦୋଳ ମଣ୍ଡପକୁ ଠାକୁରଙ୍କ ଚଳନ୍ତି ପ୍ରତିମା ମଦନମୋହନଙ୍କୁ ହାନ୍ଦୋଳାରେ ବିଜେ କରାଯାଇଥିଲା। ପୂଜକ ସମାଜ ପକ୍ଷରୁ ପୂର୍ଣ୍ଣମୀ ଅବସରରେ ଆରମ୍ଭ ହୋଇଥିବା ଅନନ୍ତମୁଖୀ ଯଜ୍ଞ ପରେ ଗ୍ରାମବାସୀ ଆଣିଥିବା ଚଣା, ଖଜା, ଆମ୍ବ ସହ ଫଳ ପୁଷ୍ପକୁ ଠାକୁରଙ୍କ ପାଖରେ ପୂଜାର୍ଚ୍ଚନା କରାଯାଇଥିଲା। ଠାକୁରଙ୍କୁ ଅବିର ପ୍ରଲେପ ଦେବା ସହ ଉପସ୍ଥିତ ଶ୍ରଦ୍ଧାଳୁମାନଙ୍କୁ ପୂଜକମାନେ ଅବିର ବୋଳିଥିଲେ। ଏହାପରେ ଠାକୁରଙ୍କ ପାଖରେ ଚଳିତବର୍ଷର ନୂତନ ପାଞ୍ଜି ପୂଜା କରାଯାଇ ଶ୍ରୀ ଜୀଉଙ୍କ ଜ୍ୟୋତିଷ ସନ୍ତୋଷ କୁମାର ଶିରୋମଣୀ ପାଞ୍ଜି ପଠନ କରି ୩୬୫ ଦିନର ଶୁଭାଶୁଭ ଫଳ ଏବଂ ପର୍ବପର୍ବାଣି ସମ୍ପର୍କରେ ସୂଚନା ଦେଇଥିଲେ।
