ନନ୍ଦନକାନନରେ ପୁଣି ହେବ ବାଘଙ୍କ ମିଳନ ପ୍ରକ୍ରିୟା : ତିନି ଯୋଡ଼ିକୁ ସାମିଲ କରାଯିବ

ବାରଙ୍ଗ,୧୫।୭(ଡି.ଏନ.ଏ.) : ପ୍ରାଣୀ ଉଦ୍ୟାନ ନନ୍ଦନକାନନରେ ପୁଣି ଆରମ୍ଭ ହେବାକୁ ଯାଉଛି ବାଘମାନଙ୍କ ମିଳନ ପ୍ରକ୍ରିୟା। କଳାଲୋମଯୁକ୍ତ ବାଘଛୁଆ ଜନ୍ମ କରି ନନ୍ଦନକାନନ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଥିଲା। ଭାରତର ବଡ଼ ୧୮ଟି ଚିଡିଆଖାନା ମଧ୍ୟରେ ନୂଆ ଇତିହାସ ରଚି ସମସ୍ତଙ୍କ ଆକର୍ଷଣର କେନ୍ଦ୍ରବିନ୍ଦୁ ପାଲଟିଥିଲା। ସେଥିପାଇଁ ୭ମାସର ବ୍ୟବଧାନ ପରେ ପୁଣି ଅଗଷ୍ଟରେ ଜନ୍ତୁବିଭାଗ ପକ୍ଷରୁ ଆରମ୍ଭ ହେବାକୁ ଯାଉଛି ୩ଯୋଡି ବାଘଙ୍କ ମିଳନ। ଏହି ପ୍ରକ୍ରିୟାରେ ସାମିଲ ହେବେ ଧଳା ମହାବଳ ବାଘ ସମ୍ରାଟ ସହ ନାଲି ବାଘୁଣୀ ରେଣୁକା, ହାଇଦ୍ରାବାଦରୁ ଆସିଥିବା ଜଙ୍ଗଲୀ ବାଘୁଣୀ ସାରା ସହ ସାତକୋଶିଆରୁ ନନ୍ଦନକାନନକୁ ପଶିଆସିଥିବା ଜଙ୍ଗଲୀ ମହାବଳ ବାଘ ନନ୍ଦନ ଏବଂ ଧଳାବାଘୁଣୀ ସ୍ନେହା ସହ ହାଇଦ୍ରାବାଦରୁ ଆସିଥିବା ଜଙ୍ଗଲୀ ମହାବଳ ବାଘ ସେଫ୍‌।
ଧଳା ମହାବଳ ବାଘ ସମ୍ରାଟ ସହ ମିଳନ ଯୋଗୁ ବାଘୁଣୀ ରେଣୁକା ୨୦୧୮ ଡିସେମ୍ବର ୨୨ରେ କଳାଲୋମଯୁକ୍ତର ଦୁଇଟି ଛୁଆ ଜନ୍ମଦେଇ ନନ୍ଦନକାନନକୁ ଚର୍ଚ୍ଚାକୁ ଆଣିଥିଲା। ଏହା ଦୁହିଁଙ୍କର ଦ୍ୱିତୀୟ ମିଳନ ଥିଲା। ଏହା ପୂର୍ବରୁ ହୋଇଥିବା ମିଳନରୁ ରେଣୁକା ୨୦୧୬ ମେ ୨୫ରେ ଏକ ମଲା କଳାଛୁଆ ଜନ୍ମ ଦେଇଥିଲା। ପୁଣି କଳାଲୋମଯୁକ୍ତ ବାଘଶାବକର ଆଶା ରଖି ଏବେ ତୃତୀୟଥର ପାଇଁ ଏହି ଯୋଡିଙ୍କର ମିଳନ ହେବାକୁ ଯାଉଛି। ରୋହିତ ଓ ଶୈଳଜା ଔରସରୁ ରେଣୁକା ୨୦୦୮ ଫେବୃୟାରୀ ୨୮ରେ ଜନ୍ମଗ୍ରହଣ କରିଥିବାବେଳେ ନିଶାନ ଓ କୁସୁମ ଔରସରୁ ୨୦୧୦ ମାର୍ଚ୍ଚ୧ରେ ଜନ୍ମଗ୍ରହଣ କରିଥିଲା ସମ୍ରାଟ ଓ ଧଳାବାଘୁଣୀ ସ୍ନେହା। ଏହି ଯୋଡି ନନ୍ଦନକାନନ ପାଇଁ ବିଶେଷରୂପେ ଗୁରୁତ୍ୱ ବହନ କରିଛିି। ଦ୍ୱିତୀୟଥର ଡିସେମ୍ବରରେ ରେଣୁକା ପିଲା ଜନ୍ମ କରିଥିବାରୁ ଚଳିତ ଡିସେମ୍ବରକୁ ଆଶା ରଖି ଏମାନଙ୍କ ମିଳନ ପାଇଁ ଜନ୍ତୁ ବିଭାଗ ପକ୍ଷରୁ ଉଦ୍ୟମ ଚାଲିଛି।
ଅନ୍ୟପକ୍ଷରେ ୧୮ ଏପ୍ରିଲ ୨୦୦୯ରେ ହାଇଦ୍ରାବାଦରୁ ଜଙ୍ଗଲୀ ବାଘୁଣୀ ସାରାକୁ ନନ୍ଦନକାନନକୁ ଅଣାଯାଇଥିଲା। ସେହିଭଳି ପ୍ରେମପାଗଳ ମହାବଳ ବାଘ ନନ୍ଦନ ସାତକୋଶିଆରୁ ଆସି ୨୦୧୩ ଜୁଲାଇ ୭ରେ ନନ୍ଦନକାନନରେ ପଶିଥିଲା। ୨୦ ଏପ୍ରିଲ ୨୦୧୬ରେ ନନ୍ଦନ ଓ ମେଘାର ପ୍ରଥମକରି ମିଳନରୁ ବାହୁବଳୀ ଓ କୁନ୍ଦନ ଜନ୍ମ ହୋଇଥିବାବେଳେ ଏବେ ସାରା ଓ ନନ୍ଦନଙ୍କ ମିଳନ ପାଇଁ ଯୋଜନା କରାଯାଇଛି। ସେହିପରି ପୂର୍ବରୁ ସେଫ୍‌ ସହ ଅଙ୍କିତାର ମିଳନ ହୋଇଥିଲା। ଫଳରେ ୨୦୧୮ ଜାନୁୟାରୀ ୧୨ରେ ଅଙ୍କିତା ଦୁଇଟି ଛୁଆ ଜନ୍ମ ଦେଇଥିଲା। ହେଲେ ସେଥିମଧ୍ୟରୁ ଅଣ୍ଡିରାଛୁଆ ମରିଯାଇଥିଲାବେଳେ ମାଈଛୁଆଟି ବଞ୍ଚତ୍ୟାଇଥିଲା। ୭ ଡିସେମ୍ବର ୨୦୧୬ରେ ହାଇଦ୍ରାବାଦ ନେହେରୁ ଜୁଲୋଜିକାଲ ପାର୍କରୁ ସେଫ୍‌କୁ ପଶୁପକ୍ଷୀ ଅଦଳବଦଳ ପ୍ରକ୍ରିୟାରେ ଅଣାଯାଇଥିଲା। ସୂଚନାଥାଉ କି ଅଗଷ୍ଟରେ ମିଳନ ଯଦି ସଫଳ ହୁଏ, ତେବେ ନଭେମ୍ବର ଶେଷ କିମ୍ବା ଡିସେମ୍ବରରେ ବାଘଛୁଆ ଜନ୍ମ ହେବା ସମ୍ଭାବନା ରହିଛି। ବାଘୁଣୀମାନେ ସାଧାରଣତଃ ୧୦୩ରୁ ୧୦୫ଦିନ ଗର୍ଭଧାରଣ କରି ଜନ୍ମ କରିଥାନ୍ତି।


Enter your email to get our daily news in your inbox.

All Right Reserved By Dharitri.Com

୩୧ଟି ବଡ଼ ପ୍ରକଳ୍ପକୁ ମଞ୍ଜୁରୀ ଦେଲେ ରାଜ୍ୟ ସରକାର: ୨୪,୧୬୨ଜଣଙ୍କୁ ମିଳିବ ନିଯୁକ୍ତି ସୁଯୋଗ

ଭୁବନେଶ୍ୱର,୨୪।୯: ମୁଖ୍ୟ ଶାସନ ସଚିବ ମନୋଜ ଆହୁଜାଙ୍କ ଅଧ୍ୟକ୍ଷତାରେ ୧୩୧ତମ ରାଜ୍ୟସ୍ତରୀୟ ଏକକ ବାତାୟନ କମିଟି ( ସିଙ୍ଗଲ ଓ୍ୱିଣ୍ଡୋ କ୍ଲିୟରାନ୍ସ ଅଥରିଟି) ବୈଠକ ଆଜି...

ସେପ୍ଚେମ୍ବର ୨୭, ୨୮ରେ ଜିଲାପାଳ ସମ୍ମିଳନୀ: ‘ସୁଭଦ୍ରା’ ସଫଳତା ପାଇଁ ପ୍ରଶଂସା କଲେ ମୁଖ୍ୟ ଶାସନ ସଚିବ

ଭୁବନେଶ୍ୱର,୨୪।୯: ମଙ୍ଗଳବାର ପୂର୍ବାହ୍ଣରେ ଲୋକସେବା ଭବନସ୍ଥିତ ସମ୍ମିଳନୀ କକ୍ଷରେ ସଚିବସ୍ତରୀୟ ବୈଠକ ମୁଖ୍ୟ ଶାସନ ସଚିବ ମନୋଜ ଆହୁଜାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ମହିଳା...

ଓଡ଼ିଶା ଭିତରେ ଗ୍ରୁପ୍-ଏ ଅଧିକାରୀମାନେ ବିମାନରେ ଯାତ୍ରା କରିପାରିବେ: ସରକାର ଦେଲେ ଅନୁମତି

ଭୁବନେଶ୍ୱର,୨୪।୯: ଏଣିକି ସରକାରୀ କାର୍ଯ୍ୟରେ ରାଜ୍ୟ ଭିତରେ ବିମାନଯୋଗେ ଯାତ୍ରା କରିପାରିବେ ସରକାରୀ ଅଧିକାରୀ। ଏନେଇ ଓଡ଼ିଶା ସରକାରଙ୍କ ପକ୍ଷରୁ ଅନୁମତି ଦିଆଯାଇଛି। ରାଜ୍ୟ ଅର୍ଥ...

କେବେ ହେବ ଦଶମ ଷାଣ୍ମାସିକ ପରୀକ୍ଷା? ବୋର୍ଡ ଦେଲା ବଡ଼ ସୂଚନା

ଭୁବନେଶ୍ୱର,୨୪।୯: ମାଧ୍ୟମିକ ଶିକ୍ଷା ପରିଷଦ ଅଧିନରେ ଦଶମ ଶ୍ରେଣୀ ଛାତ୍ରୀଛାତ୍ରଙ୍କ ଷାଣ୍ମାସିକ ପରୀକ୍ଷା କେବେ ହେବ ଏନେଇ ଦ୍ୱନ୍ଦ୍ୱ ଲାଗି ରହିଥିଲା। ତେବେ ତାକୁ ନେଇ...

ଏବେ ଯାଏ ଆସିନି ସୁଭଦ୍ରା ଟଙ୍କା? ପୁନର୍ବାର କରିପାରିବେ କି ଆବେଦନ, ଜାଣିନିଅନ୍ତୁ ବଡ଼ ଅପଡେଟ୍‌…

ଭୁବନେଶ୍ୱର,୨୪।୯: ପ୍ରଥମ କିସ୍ତିରେ ଆକାଉଣ୍ଟକୁ ଆସିଛି ସୁଭଦ୍ରା ଟଙ୍କା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜ ଜନ୍ମଦିନରେ ଓଡିଶାରେ ମହିଳାମାନଙ୍କୁ ବଡ ଭେଟି ପ୍ରଦାନ କରିଛନ୍ତି ।...

ସରକାର ଦେଲେ ଚେତାବନୀ, ଆନ୍ଦୋଳନ କଲେ…

ଭୁବନେଶ୍ୱର,୨୪।୯: ଓଡ଼ିଶା ନର୍ସିଙ୍ଗ କର୍ମଚାରୀ ସଂଘଙ୍କ ଦ୍ୱାରା ଆସନ୍ତକାଲି ଆନ୍ଦୋଳନ ପାଇଁ ଡକରା ହୋଇଥିଲା। ଯାହାର ଗୋଟିଏ ଦିନ ପୂର୍ବରୁ ସବୁ CDMO ଓ ସରକାରୀ...

ବିକଶିତ ଓଡ଼ିଶାର ପ୍ରକୃତ ସାରଥୀ ହେବେ ଦକ୍ଷ ଯୁବ ଶକ୍ତି: ମୁଖ୍ୟମନ୍ତ୍ରୀ

ଭୁବନେଶ୍ୱର,୨୪।୯: ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ସୋମବାର ଲୋକସେବା ଭବନରେ ୱାର୍ଲଡ ସ୍କିଲ କମ୍ପିଟେସନରେ ଭାଗ ନେଇଥିବା ପ୍ରତିଯୋଗୀମାନଙ୍କୁ ସମ୍ବର୍ଦ୍ଧିତ କରିଛନ୍ତି। ଏହି ବିଶ୍ୱସ୍ତରୀୟ ପ୍ରତିଯୋଗିତାରେ...

ନବୀନଙ୍କୁ ନେଇ ବିସ୍ଫୋରକ ମନ୍ତବ୍ୟ ଦେଲେ ବଦ୍ରି ପାତ୍ର: ବିଜେଡି ହାରିବାର କାରଣ…

ଭୁବନେଶ୍ୱର,୨୪।୯:ନିର୍ବାଚନ ଫଳାଫଳ ଆସିବାର ଇତିମଧ୍ୟରେ ୩ ମାସ ବିତିଗଲାଣି। ୨୪ ବର୍ଷର ବିଜେଡି ଗାଦିକୁ ହଟାଇ ଭାଜପା ପ୍ରଥମଥର ପାଁ ରାଜ୍ୟରେ ସରକାର ଗଢିଛି। ଏବେ...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri