ସେରଗଡ,୧୦।୮(ଡି.ଏନ.ଏ.) କଳାହାଣ୍ଡି ଜିଲା ନର୍ଲା ପୋଲିସ ପକ୍ଷରୁ ପୋଲିସ ଷ୍ଟେଶନ ପରିସରରେ ଶନିବାର ପରୀ-୩ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପ୍ରଥମେ ନର୍ଲା ପଞ୍ଚାୟତ ହାଇସ୍କୁଲ ଏବଂ କଲେଜର ସମସ୍ତ ଛାତ୍ରୀଛାତ୍ର ପ୍ଲାକାର୍ଡ ଓ ସଚେତନତା ସ୍ଲୋଗାନ ଦେଇ ନର୍ଲା କଲେଜଛକଠାରୁ ଶୋଭାଯାତ୍ରାରେ ବାହାରି ସହର ପରିକ୍ରମା କରିଥିଲେ । ପରେ ନର୍ଲା ଥାନା ପରିସରରେ ଏକ ସଭା ଅନୁଷ୍ଠିତ ହୋଇଥିଲା । ଏଥିରେ ନର୍ଲା ଥାନା ଆଇଆଇସି ରମଣୀ ରଞ୍ଜନ ଦଳେଇ ଅଧ୍ୟକ୍ଷତା କରିଥିବା ବେଳେ ସହଇନ୍ସପେକ୍ଟର ସଞ୍ଜୟ କୁମାର ମଲ୍ଲିକଙ୍କ ସହ ଅତିଥି ଭାବେ ନର୍ଲା ସରପଞ୍ଚ ଚିରଞ୍ଜିବୀ ଗଉଡିଆ ଏବଂ ୱାଲର୍ଡ ଭିଜନ ଇଣ୍ଡିଆର ଜେ.ଡି. ବର୍ଦ୍ଧନ ତଥା ବିରେନ ଦିଗାଲ ପ୍ରମୁଖ ଉପସ୍ଥିତ ରହିଥିଲେ । ଶିଶୁ ନିର୍ଯାତନା, ଶିଶୁ ଶ୍ରମିକପ୍ରଥା, ବାଲ୍ୟ ବିବାହ ଏବଂ ଶିଶୁ ଚାଲାଣ ଉପରେ ଉପସ୍ଥିତ ଛାତ୍ରୀଛାତ୍ର, ଅଭିଭାବକ ଓ ଜନସାଧାରଣଙ୍କୁ ସଚେତନ କରାଇଥିଲେ। ଏଥିରେ ଅରୁଣ ପ୍ରଧାନୀ ଓ ସାଥିଙ୍କ ଦ୍ୱାରା ଏକ କ୍ଷୁଦ୍ର ନାଟକ ପରିବେଷଣ ଏବଂ ବିଜୟ ପଣ୍ଡାଙ୍କ ଶିଶୁ ନିର୍ଯାତନା ଉପରେ ବାଦ୍ୟଗୀତ ମାଧ୍ୟମରେ ସଚେତନ କରାଇଥିଲେ। ଏଥିରେ ଶତାଧିକ ଛାତ୍ରୀଛାତ୍ର, ସାମାଜିକ କର୍ମୀ, ବୁଦ୍ଧିଜିବୀ, ସଚେତନ ନାଗରିକ ଉପସ୍ଥିତ ଥିଲେ ା ଏହି କାର୍ଯ୍ୟକ୍ରମରେ ନର୍ଲା ପୋଲିସର ସମସ୍ତ କର୍ମଚାରୀ ସହଯୋଗ କରିଥିଲେ ।
