ସାଧାରଣତଃ ବିଧି ବିଧାନ ସହ ମନ୍ତ୍ର ଉଚ୍ଚାରଣ କରି ପଣ୍ଡିତ ବିବାହ କାର୍ଯ୍ୟ ସମ୍ପନ୍ନ କରିଥାନ୍ତି। ଏଥିରେ ଅଧିକ ବି ସମୟ ଲାଗିଥାଏ। କିନ୍ତୁ ଏପରି ଏକ ବିବାହ ଉତ୍ସବର ଭିଡିଓ ଭାଇରାଲ ହୋଇଛି, ଯାହା ଦେଖିଲେ ନ ହସି ରହିପାରିବେନି। ଏହି ବିବାହ ଉତ୍ସବରେ ପଣ୍ଡିତ ମନ୍ତ୍ରପାଠ ଉଚ୍ଚାରଣ ନ କରି କିଛି ହିନ୍ଦୀ ଫିଲ୍ମର ଗୀତ ଗାଇ ବିବାହ କାର୍ଯ୍ୟ ସମାପନ କରିଛନ୍ତି। ଭିଡିଓଟି ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି। ସାବିତ୍ରୀ ଆରୋରା ଏବଂ ରାହୁଲ ଗୁରୁନାନୀଙ୍କ ବିବାହରେ ପଣ୍ଡିତ ମନ୍ତ୍ରପାଠ ଉଚ୍ଚାରଣ କରିବା ପରିବର୍ତ୍ତେ ବଲିଉଡ୍ର କିଛି ଫିଲ୍ମ ଗୀତ ଗାଇଛନ୍ତି। ବରଯାତ୍ରୀମାନେ ମଧ୍ୟ ଏହି ଗୀତର ବେଶ୍ ମଜା ଉଠାଇଛନ୍ତି। ଏହି ବିବାହ ସମୟର ଫଟୋଟିକୁ କନ୍ୟା ନିଜେ ସୋସିଆଲ ମିଡିଆରେ ଶେୟାର କରିଛନ୍ତି।
ଭିଡ଼ଭିତରେ ପଣ୍ଡିତ କନ୍ୟାକୁ କେଉଁ ମନ୍ତ୍ର ପାଠ କରିବେ ବୋଲି ପଚାରୁଛନ୍ତି। ହିନ୍ଦୀ ଗୀତ ନା ମନ୍ତ୍ର? ଏହା ଉତ୍ତରରେ କନ୍ୟା କହୁଛନ୍ତି ହିନ୍ଦୀ ଗୀତ। ପରେ ପଣ୍ଡିତ ହିନ୍ଦୀ ଫିଲ୍ମ ‘ଦିଲ୍ ଓ୍ବାଲେ ଦୁଲ୍ହନିଆ ଲେ ଜାଏଙ୍ଗେ’ର ତୁଝେ ଦେଖା ତୋଏ ଜାନା ସନମ୍ ଗୀତ ଗାଇଥିଲେ। ଭିଡିଓଟିିରେ ଦମ୍ପତି ଖୁବ୍ ମଜା ଉଠାଇବା ସହ ଉପସ୍ଥିତ ବନ୍ଧୁ ପରିଜନ ମଧ୍ୟ ମନଭରି ଗୀତଟିକୁ ଉପଭୋଗ କରିଥିଲେ। ସୋସିଆଲ ମିଡିଆରେ ଏହି ଭିଡିଓଟିକୁ ଲୋକେ ଖୁବ୍ ପସନ୍ଦ କରିଛନ୍ତି।
ଦେଖନ୍ତୁ ଭିଡିଓ…
