ମୁମ୍ବାଇ,୨୪।୬: ବଲିଉଡ୍ ଶେହେନ୍ସା ଅମିତାଭ ବଚ୍ଚନ ଏବେ ନିଜର ଅପ୍ କମିଂ ଫିଲ୍ମ ‘ଗୁଲାବୋ ସିତାବୋ’ର ଶୁଟିଂରେ ବ୍ୟସ୍ତ ଅଛନ୍ତି। କିଛି ଦିନ ତଳେ ଫିଲ୍ମରେ ଅମିତାଭଙ୍କ ଚେହେରାର ଶୁଟିଂ ସମୟରେ ୧୪ ମିନିଟ୍ର ଲମ୍ବା ଡାଇଲଗ୍ ଚର୍ଚ୍ଚାକୁ ଆସିଥିଲା। ଆଉ ଏଥିପାଇଁ ତାଙ୍କୁ ବେଶ୍ ପ୍ରଶଂସା ମଧ୍ୟ କରାଯାଇଥିଲା। ନିକଟରେ ଗୁଲାବ ସିତାବୋରେ ଥିବା ତାଙ୍କର ଏକ ଡିଫରେଣ୍ଟ ଲୁକ୍ ସାମ୍ନାକୁ ଆସିଥିବା ବେଳେ ଅମିତାଭ ଏବେ ନିଜ ଟୁଇଟର ଆକାଉଣ୍ଟରେ ତାଙ୍କ ପରିବାରର ତିନି ପିଢ଼ୀଙ୍କ ଫଟୋକୁ ଶେୟାର କରିଛନ୍ତି। ଏହି ଫଟୋରେ ଅମିତାଭ ବଚ୍ଚନଙ୍କ ଅଜା ଦାରଜୀ ସରଦାର ଖଜାନ ସିଂହ ସୁରୀ, ସେ ଓ ତାଙ୍କ ପୁଅ ଅଭିଷେକ ବଚ୍ଚନ ଥିବା ଦେଖିବାକୁ ମିଳିଛି। ଏଥିରେ ୩ଜଣ ପଞ୍ଜାବି ଲୁକ୍ରେ ନଜର ଆସିଛନ୍ତି। ସେମାନଙ୍କର ଏହି ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ସୂଚନାଯୋଗ୍ୟ, କିଛି ଦିନ ତଳେ ଅମିତାଭଙ୍କ ଟୁଇଟର ଆକାଉଣ୍ଟ ହ୍ୟାକ୍ ହୋଇଯାଇଥିଲା। ଏଥିରେ ଅମିତାଭଙ୍କ ଫଟୋକୁ ବଦଳାଇ ପାକିସ୍ତାନ ପ୍ରଧାନମନ୍ତ୍ରୀଙ୍କ ଫଟୋ ଲଗାଯାଇଥିଲା। ହେଲେ ଏହାପରେ ବିଗ ବିଙ୍କ ଆକାଉଣ୍ଟକୁ ପୁଣି ରିକଭରି କରାଯାଇଥିଲା।
