ଧରାକୋଟ,୨୮ା୫(ଡି.ଏନ୍.ଏ.)- କରୋନା କଟକଣା ଯୋଗୁ ଧରାକୋଟଗଡ଼ର ପ୍ରମୁଖ ଯାତ୍ରା ଶୀତଳଷଷ୍ଠୀ ଚଳିତ ବର୍ଷ ନିରାଡମ୍ବରରେ ଶେଷ ହୋଇଛି। ଦୀର୍ଘବର୍ଷ ହେଲା ଏହିଦିନ ବାବା ଚନ୍ଦ୍ରଶେଖରଙ୍କ ସହ ମା’ ପାବର୍ତୀଙ୍କ ବିବାହ ବେଶ୍ ଜାକଜମକରେ ହୋଇଆସୁଥିଲା। ମାତ୍ର ବୁଧବାର ରାତିରେ ନିରାଡ଼ମ୍ବର ଭାବେ ସାମାଜିକ ଦୂରତା ରଖି ସୀମିତ ସଂଖ୍ୟକ ବରଯାତ୍ରୀ ସହ ଯାଇ ପ୍ରଭୂ ନିଜର ବାହାଘର କାର୍ଯ୍ୟ ସାରିଛନ୍ତି। ଗୁରୁବାର ରାତିରେ ଦେବଦମ୍ପତିଙ୍କ ନଗର ପରିକ୍ରମା ବେଶ୍ ଚିତ୍ତାକର୍ଷକ ହୋଇଥାନ୍ତା। କିନ୍ତୁ ପ୍ରଶାସନର ଅନୁମତି ମିଳିନଥିବାରୁ ସୀମିତ ସଂଖ୍ୟକ ଭକ୍ତ ପରମ୍ପରା ଅନୁଯାୟୀ ମହାଲିଙ୍ଗେଶ୍ୱର, ସ୍ବପ୍ନେଶ୍ୱର, ବିଶେଶ୍ୱରଙ୍କ ସହ ପ୍ରଭୁ ଚନ୍ଦ୍ରଶେଖର ଓ ମା’ ପାର୍ବତୀ ଜଗନ୍ନାଥ ମନ୍ଦିରରେ ଅବସ୍ଥାନ କରିବେ।
