ଆର.ଉଦୟଗିରି,୨୪ା୪(ଡି.ଏନ୍.ଏ.)- ଆର.ଉଦୟଗିରି ବ୍ଲକ ଆର.ଉଦୟଗିରି ଗ୍ରାମ ଗୋପବନ୍ଧୁ ବିଦ୍ୟାଳୟର ଶିକ୍ଷୟିତ୍ରୀମାନେ ଅଭିଭାବଙ୍କୁ ବିଦ୍ୟାଳୟକୁ ଡକାଇ ଗୁରୁବାର ବହି ବାଣ୍ଟିଛନ୍ତି। କରୋନା ପାଇଁ ସ୍କୁଲ ବନ୍ଦ ଥିବାବେଳେ ସରକାର ପ୍ରତି ଛାତ୍ରୀଛାତ୍ରଙ୍କୁ ଘରେ ଯାଇ ବହି ଦେବାକୁ ଶିକ୍ଷୟିତ୍ରୀ ଶିକ୍ଷକଙ୍କୁ ନିର୍ଦ୍ଦେଶ ଦେଇଥିଲେ ମଧ୍ୟ ଏଠାରେ ତାହା ପାଳନ କରାଯାଇନାହିଁ। ବହୁ ଅଭିଭାବକ ବହି ପାଇଁ ଭିଡ ଜମାଇଥିଲେ। ଯାହାଦ୍ୱାରା ସାମାଜିକ ଦୂରତା ରହି ନ ଥିଲା। ଏନେଇ ଆର୍.ଉଦୟଗିରି ବିଇଓ ବିଶ୍ୱନାଥ ଭୂୟଁାଙ୍କୁ ପଚାରିବାରୁ ସେ କହିଥିଲେ ଯେ, ସରକାରଙ୍କ ପ୍ରଥମ ଚିଠିରେ ଶିକ୍ଷକମାନେ ଘରଘର ବୁଲି ବହି ବାଣ୍ଟିବେ ବୋଲି ନିର୍ଦ୍ଦେଶ ଆସିଥିଲା। ଏହାପରେ ପୁଣି ଆଉ ଏକ ଚିଠି ଆସିଥିଲା ଯେ, ବିଦ୍ୟାଳୟକୁ ଅଭିଭାବକ ଡାକି ବହି ବଣ୍ଟନ କରିପାରିବେ। ତେଣୁ ଅଭିଭାବକଙ୍କୁ ଡାକି ବହି ବଣ୍ଟାଯାଉଛି। ଏଦିଗରେ ଜିଲା ଶିକ୍ଷା ଅଧିକାରୀ ଓ ଶିକ୍ଷାମନ୍ତ୍ରୀ ଦୃଷ୍ଟି ଦେବାକୁ ଅଞ୍ଚଳର ବୁଦ୍ଧିଜୀବୀ ଦାବି କରିଛନ୍ତି।
