ହିମ୍ମତନଗର,୮।୬: ଗୁଜରାଟର ଆଦିବାସୀ ଅଞ୍ଚଳରେ ବହୁ ପୀଢ଼ି ଧରି ‘ଚଡୋତରୁ’ ପରମ୍ପରା ଚାଲିଆସିଛି। ଉକ୍ତ ଅଞ୍ଚଳରେ ଯଦି କୌଣସି ବ୍ୟକ୍ତିଙ୍କ ସନ୍ଦିଗ୍ଧ ମୃତ୍ୟୁ ହୋଇଥାଏ। ତା’ହେଲେ ମୃତଙ୍କ ପରିବାର ଲୋକେ ନ୍ୟାୟ ଓ ସହୟତା ରାଶି ପାଇବା ପାଇଁ ମୃତଦେହକୁ ଏକ ନିମ୍ବ ଗଛରେ ବାନ୍ଧି ରଖିଥାନ୍ତି। ଯେପର୍ଯ୍ୟନ୍ତ ଅଭିଯୁକ୍ତ ଧରା ନ ପଡ଼ିଛନ୍ତି ସେ ପର୍ଯ୍ୟନ୍ତ ମାସ ମାସ ଧାରି ମୃତଦେହକୁ ସେମିତି ଝୁଲାଯାଇଥାଏ। ତେବେ ଚଡୋତରୁ ମାମଲା ଏବେ କମ୍ ଦେଖିବାକୁ ମିଳୁଥିବା ବେଳେ ଏବେ ବି କିଛି ଅଞ୍ଚଳରେ ଏହାର ପ୍ରଚୋଳନ ରହିଛି। ସେହିଭଳିି ଏକ ମାମଲା ଆଦିବାସୀ ଗଁା ଟାଢ଼ୀ ବେଦୀରେ ଦେଖିବାକୁ ମିଳିଛି। ଏହି ଗଁା ସାବରକାଣ୍ଠା ଜିଲ୍ଲା ପୋଶିନା ତାଲୁକାର ଗୁଜରାଟ-ରାଜସ୍ଥାନ ବର୍ଡରଠାରୁ ୨ କିଲୋମିଟର ଦୂରରେ ଅବସ୍ଥିିତ। ଉକ୍ତ ଗଁାରେ ଭାତିୟାଭିଆ ଗାମର(୨୨) ନାମକ ଜଣେ ଯୁବକଙ୍କ ଜାନୁୟାରୀ ପ୍ରଥମରୁ ମୃତ୍ୟୁ ହୋଇଥିବା ବେଳେ ଏବେ ବି ତାଙ୍କର ମୃତଦେହ ଗଛରେ ଏକ ଚାଦରରେ ବାନ୍ଧି ରଖାଯାଇଥିବା ଦେଖିବାକୁ ମିଳିଛି। ତାଙ୍କୁ ହତ୍ୟା କରାଯାଇଥିବା ଅଭିଯୋଗରେ ନ୍ୟାୟ ପାଇଁ ୬ ମାସ ହେଲାଣି ପରିବାର ଲୋକେ ତାଙ୍କର ଅନ୍ତିମ ସଂସ୍କାର କରି ନ ଥିବା ଜଣାପଡିଛି। ସୂଚନାଯୋଗ୍ୟ, ଉକ୍ତ ମୃତ ଯୁବକ ସେହି ଗଁାର ଜଣେ ଝିଅଙ୍କୁ ଭଲ ପାଉଥିଲେ। ହେଲେ ଝିଅର ପରିବାର ଲୋକେ ଏହି ସମ୍ପର୍କକୁ ନେଇ ଅମଙ୍ଗ ଥିବା ବେଳେ ଯୁବକଙ୍କୁ ସେମାନେ ହତ୍ୟା କରିଛନ୍ତି ବୋଲି ପରିବାର ଲୋକେ ଅଭିଯୋଗ କରିଛନ୍ତି। ତେଣୁ ଅଭିଯୁକ୍ତ ଗିରଫ ଦାବିରେ ସେମାନେ ଏଭଳି କରିଥିବା ମୃତକଙ୍କ ଭାଇ କହିଛନ୍ତି।
