ନୂଆଦିଲ୍ଲୀ, ୨୪ା୧୨(ପି.ଟି.)- ଭାରତ ଏ’ କ୍ରିକେଟ ଦଳ ନ୍ୟୁଜିଲାଣ୍ଡ ଟୁର୍ରେ ଯିବ। ଏଥିରେ ଫର୍ମରେ ଥିବା ପୃଥ୍ବୀ ଶ’ଙ୍କୁ ଦଳରେ ସ୍ଥାନ ମିଳିଛି। ଡୋପିଂ ପାଇଁ ୮ ମାସ ବାସନ୍ଦ ଦଣ୍ଡ ଭୋଗିବା ପରେ ପ୍ରତ୍ୟାବର୍ତ୍ତନ କରି ଶ’ ମୁମ୍ବାଇ ଦଳର ବରୋଦା ବିପକ୍ଷ ଓପନିଂ ରଣଜୀ ଟ୍ରଫି ମ୍ୟାଚରେ ଏହି ଯୁବ ଖେଳାଳି ଏକ ଦର୍ଶନୀୟ ଦ୍ୱିଶତକ ହାସଲ କରିଛନ୍ତି। ଭାରତୀୟ ଟେଷ୍ଟ ଦଳର ଓପନିଂ ଯୋଡ଼ି ଭାବେ ରୋହିତ ଶର୍ମା ଓ ମୟଙ୍କ ଅଗ୍ରଓ୍ବାଲଙ୍କ ପ୍ରଦର୍ଶନ ଯଦିଓ ଭଲ ରହିଛି, ୨୦ବର୍ଷୀୟ ଶ’ଙ୍କୁ ନ୍ୟୁଜିଲାଣ୍ଡ ବିପକ୍ଷ ସିରିଜ ପାଇଁ ରିଜର୍ଭ ଓପନର ଭାବେ ନିଆଯାଇପାରେ। ଶ’ଙ୍କୁ ଯଥାସମ୍ଭବ ଅଧିକାରୁ ଅଧିକ ଗେମ୍ ଖେଳାଇବାର ବ୍ୟବସ୍ଥା କରାଯାଉଥିବା ସିଲେକ୍ସନ କମିଟି ଚେୟାରମ୍ୟାନ ଏମ୍ଏସ୍କେ. ପ୍ରସାଦ ପ୍ରକାଶ କରିଛନ୍ତି। ଗତବର୍ଷ ଶ’ଙ୍କ ଟେଷ୍ଟ ପଦାର୍ପଣ ସ୍ମରଣୀୟ ଥିଲା। ରାଜକୋଟ୍ଠାରେ ସେ ଓ୍ବେଷ୍ଟଇଣ୍ଡିଜ ବିପକ୍ଷରେ ଏକ ଶତକ ହାସଲ କରିଥିଲେ।
ନ୍ୟୁଜିଲାଣ୍ଡରେ ପ୍ରଥମଶ୍ରେଣୀ ଗେମ୍ରେ ହନୁମା ବିହାରୀ ଏବଂ ୫୦ ଓଭର ଫର୍ମାଟ ପାଇଁ ଅଧିନାୟକ ମନୋନୀତ କରାଯାଇଛି। ଭାରତ ସିନିୟର ଦଳ ନ୍ୟୁଜିଲାଣ୍ଡରେ ଦୁଇ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳିବାର କାର୍ଯ୍ୟକ୍ରମ ରହିଛି। ପ୍ରଥମ ମ୍ୟାଚ ଓ୍ବେଲ୍ିଂଟନଠାରେ ଫେବୃୟାରୀ ୨ରୁ ଏବଂ ଦ୍ୱିତୀୟ ମ୍ୟାଚ କ୍ରିଷ୍ଟଚର୍ଚ୍ଚଠାରେ ଫେବୃୟାରୀ ୨୯ରୁ ଖେଳାଯିବାର କାର୍ଯ୍ୟକ୍ରମ ରହିଛି। ଏହା ପୂର୍ବରୁ ଆର. ଅଶ୍ୱିନ, ଅଜିଙ୍କ୍ୟ ରାହାନେ, ଉମେଶ ଯାଦବ, ମୟଙ୍କ ଅଗ୍ରଓ୍ବାଲ ଏବଂ ଈଶାନ୍ତ ଶର୍ମାଙ୍କ ଭଳି ଟେଷ୍ଟ ସ୍ପେଶାଲିଷ୍ଟ ଏହି ଦେଶରେ ଅଭ୍ୟାସ ପାଇଁ ସୁଯୋଗ ପାଇବେ। ସେମାନେ ଭାରତ ଏ’ର ଦ୍ୱିତୀୟ ମ୍ୟାଚରେ ସୁଯୋଗ ପାଇବେ।
