ଦୁବାଇ, ୧ା୪ (ପି.ଟି.)-ନ୍ୟୁଜିଲାଣ୍ଡ ତରଫରୁ ଖେଳିବା ଲାଗି ଆଗ୍ରହ ରଖିଛନ୍ତି ଦକ୍ଷିଣ ଆଫ୍ରିକା ବ୍ୟାଟ୍ସମ୍ୟାନ ଡେଭନ କନଓ୍ବେ । ଏଥିପାଇଁ ସେ ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି)ର ଅନୁମତି ହାସଲ କରିସାରିଛନ୍ତି। ସମ୍ଭବତଃ ସେ ଭାରତ ଏ’ କିମ୍ବା ବାଂଲାଦେଶ ବିପକ୍ଷରେ ନ୍ୟୁଜିଲାଣ୍ଡ ତରଫରୁ ପଦାର୍ପଣ କରିପାରନ୍ତି। ଏହି ୨୮ ବର୍ଷୀୟ କ୍ରିକେଟର ୨୦୧୭ ସେପ୍ଟେମ୍ବରରେ ଜୋହାନ୍ସବର୍ଗ ଛାଡ଼ି ନ୍ୟୁଜିଲାଣ୍ଡରେ ତାଙ୍କ କ୍ୟାରିୟର ଆରମ୍ଭ କରିବାଲାଗି ସେଦେଶକୁ ଚାଲିଯାଇଥିଲେ। ଆଇସିସି ବିଶେଷ ପରିସ୍ଥିତିରେ ଏହି ଖେଳାଳିଙ୍କୁ ଅନୁମତି ଦେଇଛି। ହେଲେ କନଓ୍ବେଙ୍କୁ ଅଗଷ୍ଟ ୨୮ ପୂର୍ବରୁ ତାଙ୍କ ଯୋଗ୍ୟତା ସାବ୍ୟସ୍ତ କରିବାକୁ ହେବ। ଅଗଷ୍ଟ ୧୫ରୁ ଆରମ୍ଭ ହେଉଥିବା ନ୍ୟୁଜିଲାଣ୍ଡ ଏ’ର ଭାରତ ଟୁର୍ ଅବା ଅଗଷ୍ଟ ୧୨ରୁ ହେବାକୁଥିବା ନ୍ୟୁଜିଲାଣ୍ଡ ଦଳର ବାଂଲାଦେଶ ଟୁର୍ ପାଇଁ ସେ ଦଳରେ ସ୍ଥାନ ପାଇବା ଜରୁରୀ। ୨୦୧୯-୨୦ ସିଜନରେ ଅନୁଷ୍ଠିତ ୩ଟି ଘରୋଇ ଟୁର୍ନାମେଣ୍ଟ ଯଥା ପ୍ରଥମ ଶ୍ରେଣୀ ପ୍ଲଙ୍କେଟ୍ ଶିଲ୍ଡ, ଲିଷ୍ଟ ଏ’ ଫୋର୍ଡ ଟ୍ରଫି ଏବଂ ଟି୨୦ ସୁପର ସ୍ମାଶ୍ରେ ଏହି ବାମହାତୀ ଖେଳାଳି ସବୁଠାରୁ ଅଧିକ ରନ ସଂଗ୍ରହକାରୀ ବ୍ୟାଟ୍ସମ୍ୟାନ ବିବେଚିତ ହୋଇଥିଲେ।
