ବାଲିଆପାଳ, ୨୯।୭(ଡି.ଏନ.ଏ.)-ବାଲେଶ୍ୱର ଜିଲା ବାଲିଆପାଳ ବ୍ଲକ ପଞ୍ଚୁପାଲିସ୍ଥିତ ପରିଚାଳନା ସଙ୍ଗଠନ ଏବଂ ଓଁଙ୍କାର ପୂଜ୍ୟପୂଜା ସାହିତ୍ୟ ପରିଷଦ ପକ୍ଷରୁ ରବିବାର ମଦ ବିରୋଧରେ ସଚେତନତା ପଦାଯାତ୍ର ଆୟୋଜିତ ହୋଇଥିଲା। ପଦଯାତ୍ରାକାରୀମାନେ ସ୍ଥାନୀୟ ପଞ୍ଚାୟତ ଅଫିସ ପ୍ରାଙ୍ଗଣରୁ ବାହାରି ପୂରା ଗାଁ ପରିକ୍ରମା କରିଥିଲେ। ସ୍ଥାନୀୟ ଅଞ୍ଚଳରେ ଥିବା ବେଆଇନ ଦେଶୀ ଓ ବିଦେଶୀ ମଦ ଦୋକାନ ବନ୍ଦ କରିବା ଲାଗି ସେମାନେ ଦାବି କରି ସ୍ଲୋଗାନ ଦେଇଥିଲେ। ଏହି ଅବସରରେ ପରିଚାଳନା ସଂଗଠନର ମୁଖ୍ୟ ରଞ୍ଜନ କୁମାର ପଣ୍ଡାଙ୍କ ଅଧ୍ୟକ୍ଷତାରେ ଦୁଇ ସଂଗଠନ ପକ୍ଷରୁ ଏକ ସମାବେଶ କରାଯାଇଥିଲା ା ଏଥିରେ ରାମରଞ୍ଜନ ରାଉତ,ସଚୀନ୍ଦ୍ର ଦାସ, ନିମାଇ ମଣ୍ଡଳ, ଶାରଦା ମଣି ଗିରି, ଦିଲିପ କୁମାର ଗିରି, ବଟକୃଷ୍ଣ ଗିରି, ଶତୃଘ୍ନ ଗିରି, ପୂର୍ଣ୍ଣଚନ୍ଦ୍ର ଗିରି, ନିଶିକାନ୍ତ ଗିରି ପ୍ରମୁଖ ବକ୍ତବ୍ୟ ରଖିଥିଲେ। ଅନ୍ୟମାନଙ୍କ ମଧ୍ୟରେ ମୁରଲୀଧର ଦାସ, ବଙ୍କିମ ଗିରି, ଶ୍ୟାମସୁନ୍ଦର ଗିରି, ମାହେଶ୍ୱରୀ ଗିରି, ବିଷ୍ଣୁପଦ ଗିରି,ବିଶ୍ୱଜିତ ପ୍ରଧାନ,ସୁବଳ ଚନ୍ଦ୍ର ଦାସ,ପ୍ରଭାକର ଦାସ,ବଂଶୀଧର ଗିରି ପ୍ରମୁଖ ବେଆଇନ ମଦ କାରବାର ବନ୍ଦ ନ ହେଲେ ଆନ୍ଦୋଳନକୁ ଜୋରଦାର କରାଯିବ ବୋଲି ଚେତାବନୀ ଦେଇଥିଲେ।
