ଗଞ୍ଜାମ,୧୫ା୬(ଡି.ଏନ୍.ଏ.): ମହାମାରୀ କରୋନା କବଳରେ ଦୀର୍ଘ ୩ ମାସରୁ ଊର୍ଦ୍ଧ୍ୱ ହେବ ଲୋକେ ନିଜର ଜୀବନ ଜୀବିକା ହରାଇ ଦୁର୍ଦ୍ଦିନରେ ଦିନ କାଟୁଛନ୍ତି। ଏହାର ମୁକାବିଲା ପାଇଁ ସରକାର ବାରମ୍ବାର ଲକ୍ଡାଉନ୍ ଘୋଷଣା କରିବା ସହ ସାମାଜିକ ଦୂରତା, ମାସ୍କ ବ୍ୟବହାର ବାଧ୍ୟତାମୂଳକ କରାଯାଇଛି । କିନ୍ତୁ ଗଞ୍ଜାମ ସହରରେ ସରକାର ଓ ଜିଲା ପ୍ରଶାସନ ନିୟମକୁ ଲୋକେ ମାନୁ ନ ଥିବା ଦେଖିବାକୁ ମିଳିଛି । ଏନ୍ଏସି ପ୍ରଶାସନର ଉଦାସୀନତା ବୋଲି ସହରରେ ଚର୍ଚ୍ଚା ହେଉଛି। ବଡ଼ ବଜାର ଓ ସାନ ବଜାର ଉଠା ପରିବା ବ୍ୟବସାୟୀମାନେ ସାମାଜିକ ଦୂରତା ମାନୁ ନ ଥିବା ବେଳେ ଲୋକେ ଏକାଠି ହୋଇ ପରିବା କିଣୁଛନ୍ତି। କିଛି ବ୍ୟକ୍ତି ମାସ୍କ ନ ପିନ୍ଧି ମଧ୍ୟ ପରିବା କିଣୁଥିବା ଦେଖିବାକୁ ମିଳିଛି। ଫଳରେ ଗୋଷ୍ଠୀ ସଂକ୍ରମଣକୁ ଆମନ୍ତ୍ରଣ କରାଯାଉଥିବା ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି। ଏନେଇ ଏନ୍ଏସି କାର୍ଯ୍ୟନିିର୍ବାହୀ ଅଧିକାରୀ ପ୍ରଭୁ କଲ୍ୟାଣ ଦାସଙ୍କ ସହ ଯୋଗାଯୋଗ କରାଯାଇଥିଲେ ମଧ୍ୟ ସମ୍ଭବ ହୋଇପାରନାହିଁ। ଅନ୍ୟପକ୍ଷରେ ଗଞ୍ଜାମ ଥାନାଧିକାରୀ ଦିଲ୍ଲୀପ କୁମାର ସାହୁଙ୍କୁ ପଚାରିବାରୁ ତଦନ୍ତ କରିବା ସହ ପୋଲିସ ପଠାଇ ତାଗିଦ କରାଯିବ ବୋଲି ସେ କହିଛନ୍ତି।
