ପାଟପୁର,୯ା୧୨- ଗଞ୍ଜାମ ଜିଲା ପାଟପୁର ଥାନା ଅଧୀନ ଏକ ଗାଁରେ ଜଣେ ୬ ବର୍ଷୀୟା ବାଳିକାଙ୍କୁୁ ବଳାତ୍କାର କରାଯାଇଥିବା ରବିବାର ଅଭିଯୋଗ ହୋଇଛି। ଏ ନେଇ ପାଟପୁର ପୋଲିସ ନଂ. ୨୬୩/୧୯ରେ ମାମଲା ରୁଜୁ କରି ଉକ୍ତ ଗ୍ରାମର ମୁଖିଆ (୬୨)ଙ୍କୁ ଅଟକ ରଖି ତଦନ୍ତ ଚଳାଇଛି।
ପ୍ରକାଶ ଯେ, ଗତ ମଙ୍ଗଳବାର ଅପରାହ୍ନରେ ନାବାଳିକା ଘର ସମ୍ମୁୁଖରେ ସାଇକେଲ ଚଲାଉଥିବା ବେଳେ ଅଭିଯୁକ୍ତ ତାଙ୍କୁ ପଇସା ପ୍ରଲୋଭନ ଦେଖାଇ ଗାଁ ଶେଷ ମୁଣ୍ଡରେ ଥିବା ଠାକୁରାଣୀ ମନ୍ଦିର ନିକଟକୁ ଡାକି ନେଇ ବଳାତ୍କାର କରିଥିଲେ। ଶନିବାର ଅଭିଯୁକ୍ତ ପୀଡ଼ିତାଙ୍କ ଘରକୁ ଆସି ଧାନ କିଣାବିକାକୁ ନେଇ ତାଙ୍କ ଜେଜେଙ୍କ ସହ କଥା ହେଉଥିଲେ। ଏହି ସମୟରେ ପୀଡ଼ିତା ସେଠାରେ ପହଞ୍ଚତ୍ଥିଲେ। ହେଲେ ଅଭିଯୁକ୍ତ ତାଙ୍କୁ ତିରସ୍କାର କରିବାରୁ ପୀଡ଼ିିତା ଏଥିରେ ଉତ୍କ୍ଷିପ୍ତ ହୋଇ ଘର ଲୋକଙ୍କୁ ସବୁ କଥା କହିଥିଲେ। କିନ୍ତୁ ଅଭିଯୁକ୍ତ ଜଣକ ସେଠାରୁ କୌଶଳକ୍ରମେ ଚମ୍ପଟ ମାରିଥିଲେ। ଏହା ଜାଣି ପୀଡିତାଙ୍କ ପରିବାର ଥାନାକୁ ଯିବା ପାଇଁ ଅଟୋ ଡାକିଥିଲେ, ମାତ୍ର ସମସ୍ତ ଅଟୋ ମାଲିକ ମନା କରିଦେବାରୁ ପୀଡ଼ିତାଙ୍କ ମା’ ମୋବାଇଲ ଫୋନ୍ ଯୋଗେ ଚାଇଲ୍ଡଲାଇନ କର୍ତ୍ତୃପକ୍ଷଙ୍କୁ ସମସ୍ତ ଘଟଣା ଜଣାଇଥିଲେ। ଚାଇଲ୍ଡଲାଇନ କର୍ତ୍ତୃପକ୍ଷ ପୀଡିତାଙ୍କ ଗାଁରେ ପହଞ୍ଚତ୍ ସରଜମିନ ତଦନ୍ତ କରିଥିଲେ। ପରେ ବ୍ରହ୍ମପୁରସ୍ଥିତ ଚାଇଲ୍ଡଲାଇନର କେନ୍ଦ୍ର ସଂଯୋଜକ ସାଇ ପ୍ରସାଦ ସାମଲ ଏବଂ ସୁପରଭାଇଜର ଜ୍ୟୋତ୍ସ୍ନାରାଣୀ ପାତ୍ର, ଟିମ ମେମ୍ବର ପ୍ରଣତି କୋରଙ୍କ ସହଯୋଗରେ ପୀଡ଼ିତାଙ୍କ ମା’ ପାଟପୁର ଥାନାରେ ଏତଲା ଦେଇଥିଲେ। ଅଭିଯୁକ୍ତ ବୃଦ୍ଧ ଓ ପୀଡ଼ିତାଙ୍କୁ ସୋମବାର ବ୍ରହ୍ମପୁର ବଡ ଡାକ୍ତରଖାନାରେ ଡାକ୍ତରୀ ମାଇନା କରାଯିବ ବୋଲି ପୋଲିସ କହିଛି।
