ପାନିଆ ବାଦ୍ୟକାର ଗଣେଶଙ୍କୁ ମିଳିଛି ସ୍ବୀକୃତି, ମିଳୁନି ଭତ୍ତା

କେନ୍ଦ୍ରାପଡ଼ା ଅଫିସ, ୧୦ା୨:କେନ୍ଦ୍ରାପଡ଼ା ବ୍ଲକ ବଡମାଣତିଆ ଗ୍ରାମର ପାନିଆ ବାଦ୍ୟକାର ଗଣେଶ ଚନ୍ଦ୍ର ରାଉତଙ୍କୁ ସଙ୍ଗୀତ ମୂର୍ଚ୍ଛନା ଓ ଲଳିତ କଳା ସଂସ୍କୃତି ଏକାଡେମୀ ପକ୍ଷରୁ ଓଡ଼ିଶା ରତ୍ନ ସମ୍ମାନରେ ସମ୍ମାନିତ କରାଯାଇଛି। ଭୁବନେଶ୍ୱରସ୍ଥ ଭଞ୍ଜ କଳାମଣ୍ଡପରେ ଗତ ୩୦ ତାରିଖରେ ଆୟୋଜିତ ସ୍ବତନ୍ତ୍ର ଉତ୍ସବରେ ବାଦ୍ୟକାର ରାଉତଙ୍କୁ ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ନିର୍ଦ୍ଦେଶକ ରଞ୍ଜନ କୁମାର ଦାସ, କଣ୍ଠଶିଳ୍ପୀ ଗୀତା ଦାସ, ଅଭିନେତା ଶ୍ରୀକାନ୍ତ ଗୌତମ, ଗୀତିକାର ଅରୁଣ ମନ୍ତ୍ରୀ ପ୍ରମୁଖ ଅତିଥି ଭାବେ ଯୋଗଦେଇ ସମ୍ବର୍ଦ୍ଧିତ କରିଥିଲେ। ରାଉତଙ୍କୁ ଏପରି ଅନେକ ସ୍ବୀକୃତି ଓ ସମ୍ବର୍ଦ୍ଧନା ମିଳିଥିବା ବେଳେ ତାଙ୍କୁ ସଂସ୍କୃତି ବିଭାଗ ପକ୍ଷରୁ ଅଦ୍ୟାବଧି କଳାକାର ଭତ୍ତା ମିଳୁନାହିଁ। ବାରମ୍ବାର ଭତ୍ତା ପାଇଁ ଆବେଦନ ପତ୍ର ଦେଉଥିଲେ ମଧ୍ୟ ଏହା ବିଚାରକୁ ନିଆଯାଉ ନ ଥିବା ନେଇ ସେ କ୍ଷୋଭ ପ୍ରକାଶ କରିଛନ୍ତି। ତାଙ୍କ ସମ୍ପର୍କରେ କଳାକାର ସଂଘର କର୍ମକର୍ତ୍ତା ସୁବ୍ରତ ରାଉତ କହିଛନ୍ତି ଯେ, ସାଧାରଣ ପ୍ଲାଷ୍ଟିକ ପାନିଆ ଓ ଅତି ପତଳା କାଗଜ ମାଧ୍ୟମରେ ଯେକୌଣସି ସ୍ବର ଦେବାରେ ଗଣେଶ ସିଦ୍ଧହସ୍ତ। ଏଥିପାଇଁ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମରେ ତାଙ୍କୁ ଖୋଜାପଡେ। କେନ୍ଦ୍ରାପଡ଼ା ଜିଲାରେ ନୁହେଁ, ତାଙ୍କର ଏହି ସଙ୍ଗୀତ କଳାଚାତୁରି ପୁରୀ, ଭୁବନେଶ୍ୱର, ରାଉରକେଲା ସହ ରାଜ୍ୟ ବାହାରେ ତାଙ୍କୁ ଏକ ସ୍ବତନ୍ତ୍ର ପରିଚୟ ଦେଇଛି। ଦୀର୍ଘ ୨୫ ବର୍ଷ ଧରି ସଙ୍ଗୀତର ମଧୁର ମୂର୍ଚ୍ଛନା ତୋଳିଧରିଥିବା ଏହି କଳାକାରଙ୍କୁ ଅଦ୍ୟାବଧି କଳାକାର ଭତ୍ତା ମିଳୁନାହିଁ। ସେ ପେସାରେ ଜଣେ ପାଣି ପାଇପ ମିସ୍ତ୍ରି। କେନ୍ଦ୍ରାପଡ଼ା ଗ୍ରାମୀଣ ଜଳ ଯୋଗାଣ କର୍ମଚାରୀ ସଂଘର ସମ୍ପାଦକ ଅଛନ୍ତି। ସ୍ଥାୟୀ ନିଯୁକ୍ତି, ପେନ୍‌ସନ ଓ ସର୍ବନିମ୍ନ ମଜୁରି ପାଇବାକୁ ସଂଘ ଦାବି କରୁଛି। ମାସକୁ ମାତ୍ର ୧୦୦୦ ଟଙ୍କା ମଜୁରିରେ ଘର ଚଳାଉଥିବା ସୁବ୍ରତ କହିଛନ୍ତି। ତବଲା ବାଦକ ସରୋଜକାନ୍ତ ପରିଡା କହିଛନ୍ତି ଯେ, ସାମାନ୍ୟ ପାନିଆରେ ସବୁ ପ୍ରକାର ସ୍ବର ଧରିବାରେ ଗଣେଶ ମାହିର। ଶାସ୍ତ୍ରୀୟ ସଙ୍ଗୀତକୁ ମଧ୍ୟ ସାବଳୀଳ ଭାବେ ସାଧାରଣରେ ଶୁଣାଇ ସେ ବାହା ବାଃ ନେଇଛନ୍ତି। ଲୋକପ୍ରିୟ ହିନ୍ଦୀ ଓ ଓଡ଼ିଆ ଗୀତ, ସିନେମା ସଙ୍ଗୀତ, ଭଜନ ଓ ଜଣାଣ ପରି ସାଂସ୍କୃତିକ କାର୍ଯ୍ୟକ୍ରମରେ ସାମିଲ ହୋଇଥାନ୍ତି। ସଙ୍ଗୀତ ସାଧନା ସମ୍ପର୍କରେ ଗଣେଶ କହିଛନ୍ତି ଯେ, ପିଲାଦିନେ ନଗେଶପୁର ଯାତ୍ରା ଦେଖିବାକୁ ଯାଇଥିଲି। ଏହି ଯାତ୍ରା ଆରମ୍ଭରେ ଜଣେ କଳାକାର ମୁହଁରେ କାଗଜ ଓ ପାନିଆ ରଖି ପାଟି ଭିତରର ପବନ ସାହାଯ୍ୟରେ ସୁନ୍ଦର ସ୍ବର ଦେଉଥିଲେ। ଏହି କଳାକୁ ଆପଣେଇବା ପାଇଁ ପ୍ରଥମେ କଷ୍ଟ ହୋଇଥିଲା। ତେବେ କିଛିଦିନ ମଧ୍ୟରେ ନିଜ ଚେଷ୍ଟାରେ ବହୁ ସ୍ବରକୁ ଆୟତ୍ତ କରିଥିଲି। ଏହି ଲୋକକଳା ଏବେ ବୁଡି ଯିବାକୁ ବସିଛି ବୋଲି ସେ କ୍ଷୋଭର ସହ କହିଛନ୍ତି। ସେ କୁହନ୍ତି, ଆଧୁନିକ ଜ୍ଞାନକୌଶଳରେ ନିର୍ମିତ ବାଦ୍ୟଯନ୍ତ୍ର ଜନସାଧାରଣଙ୍କ ମନକୁ ଯାଉଛି। ତେବେ ନିଜ କଳାରେ ବିଭୋର ଥିବା ଜଣେ କଳାକାର ସର୍ବଦା ଅନ୍ୟଠାରୁ ନିଜେ ବେଶି ଶାନ୍ତି ପାଆନ୍ତି। ପିଲାଳିଆମିରେ ଆରମ୍ଭ କରିଥିବା ଏହି ସ୍ବର ସାଧନା ଯୋଗୁ ସାମ୍ପ୍ରତିକ ସମୟରେ ଦର୍ଶକଙ୍କ ବାହା ବାଃ ପାଉଛନ୍ତି। ଏହି ସ୍ବର ସାଧନା ପାଇଁ ପ୍ଲାଷ୍ଟିକ ପାନିଆ, ଅତି ପତଳା କାଗଜ (ଟିସୁ ପେପର ହେଲେ ଉତ୍ତମ) ଉପକରଣ ଭାବେ ଆବଶ୍ୟକ ଥିବା ବେଳେ ବିଭିନ୍ନ ସ୍ବର ଅନୁକରଣ କରିବାକୁ ସାଧନା ଦରକାର ବୋଲି ସେ ପ୍ରକାଶ କରିଛନ୍ତି। ଏ ସମ୍ପର୍କରେ ଜିଲା ସଂସ୍କୃତି ଅଧିକାରୀ ସୋନାଲି ବେହେରାଙ୍କୁ ପଚାରିବାରେ ଏହି କଳା ଓ କଳାକାରଙ୍କୁ ପ୍ରୋତ୍ସାହିତ କରିବା ଆବଶ୍ୟକ। ତାଙ୍କର ଭତ୍ତା ଆବେଦନ ପତ୍ର ଯାଞ୍ଚ ସରିଛି। ଆଗାମୀଦିନରେ ପ୍ରୋତ୍ସାହନ ରାଶି ମିଳିଯିବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ନବୀନଙ୍କ ଗଡ଼ରେ ଚିରିଲେ ବିଜେଡି ପତାକା,ଥାନାରେ ଏତଲା

ହିଞ୍ଜିଳିକାଟୁ, ୫।୧୧(ଦ୍ବିତୀକୃଷ୍ଣ ପଣ୍ଡା): ହିଞ୍ଜିଳି ବିଜେଡି ପକ୍ଷରୁ ମଙ୍ଗଳବାର ଅପରାହ୍ନରେ ଏକ ପଦଯାତ୍ରା ଅନୁଷ୍ଠିତ ହେବାକୁ ସ୍ଥିର କରାଯାଇଥିଲା। ଏଥିନିମନ୍ତେ ଦଳ ପକ୍ଷରୁ ସୋମବାର ରାତିରେ...

ମେଘନାଥ ପାଚେରିରେ ଫାଟ: ଅସନ୍ତୋଷ ଜାହିର କଲେ ମହାପ୍ରଭୁଙ୍କ ବାଡ଼ଗ୍ରାହୀ; ପୂର୍ବ ସରକାରଙ୍କୁ ଟାର୍ଗେଟ କରି…

ପୁରୀ,୫।୧୧: ଶ୍ରୀମନ୍ଦିର ମେଘନାଦ ପାଚେରୀରେ ଫାଟ ସୃଷ୍ଟି ହୋଇଛି। ଏହାକୁ ନେଇ ରାଜନୈତିକ ଦଳଗୁଡ଼ିକ ମଧ୍ୟରେ ବୟାନବାଜି ଆରମ୍ଭ ହୋଇଛି। ଏସବୁ ମଧ୍ୟରେ ମଙ୍ଗଳବାର ମହାପ୍ରଭୁ...

ସ୍କୁଟିରୁ ମିଳିଲା ୨ ଲକ୍ଷ ୮୦ ହଜାର ଟଙ୍କା, ସ୍ବାସ୍ଥ୍ୟ ବିଭାଗ ବରିଷ୍ଠ ସହାୟକ ଗିରଫ

କେନ୍ଦୁଝର,୫।୧୧(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଭିଜିଲାନ୍ସ ଗତକାଲି ସନ୍ଧ୍ୟାରେ ହୋଟେଲ ଅଜନ୍ତା ନିକଟରୁ ଟଙ୍କା ସହ ଧରିଥିବା ଏଡିପିଏଚ୍‌ଓ (ପରିବାର କଲ୍ୟାଣ)ଙ୍କ ଅଧିନରେ କାର୍ଯ୍ୟରତ ବରିଷ୍ଠ...

‘ଡାକ୍ତର ଫେରିଛି’ କ୍ଷୁଦ୍ର ଚଳଚ୍ଚିତ୍ରର ମହୁରତ

କେନ୍ଦୁଝର ୫।୧୧ (ନରେଶ ଚନ୍ଦ୍ର ପଟ୍ଟନାୟକ): ସଦର ବ୍ଲକ ଖମଣଗୋଡା ସାହି, ଗୋବିନ୍ଦପୁର ସ୍ଥିତ ପ୍ରୟାସ ସେବାଗ୍ରାମଠାରେ ଅବସ୍ଥିତ ଶିରିଡି ସାଇ ମନ୍ଦିରରେ କେନ୍ଦୁଝର ଡ୍ରାମା...

ଇନକୁମ୍ବେନ୍ସି ଚାର୍ଟରେ ପୂର୍ବତନ ଜିଲାପାଳଙ୍କ ନାମ: ଉଠିଲା ପ୍ରଶ୍ନ

ହାଟଡିହୀ,୫l୧୧(ଶୁଭକାନ୍ତ ନାୟକ):ସମ୍ପ୍ରତି ସମାଜରେ ଦୈନନ୍ଦିନ ଜୀବନରେ ଅନ ଲାଇନ ଉପରେ ପ୍ରାୟତଃ ସମସ୍ତେ ନିର୍ଭରଶୀଳ ଅଟନ୍ତି l ବିଭିନ୍ନ କାର୍ଯ୍ୟ ପାଇଁ ଅନ ଲାଇନ ପଦ୍ଧତି...

ଭଦ୍ରକରେ ନନ୍ଦନକାନନ ଏକ୍ସପ୍ରେସ ଉପରକୁ ଗୁଳିମାଡ଼

ଭଦ୍ରକ,୫।୧୧: ଭଦ୍ରକ-ବାଉଦପୁର ସେକ୍ସନ ଟ୍ରେନ୍‌ ଲାଇନ୍‌ ମଝିରେ ମଙ୍ଗଳବାର ଏକ ଅଘଟଣ ଘଟିଛି। ନନ୍ଦନକାନନ ଏକ୍ସପ୍ରେସ ଟ୍ରେନ୍‌ ଉପରକୁ କେତେକ ଦୁର୍ବୃତ୍ତ ଟ୍ରେନ ଉପରକୁ ୨...

କାର-ସ୍କୁଟି ମୁହାଁମୁହିଁ ଧକ୍କା: ଚାଲିଗଲା ଜଣଙ୍କ ଜୀବନ

ଭୋଗରାଇ,୫।୧୧(ପ୍ରଦୀପ ଦାସ): ବାଲେଶ୍ୱର ଜିଲା ଜଳେଶର-ଚନ୍ଦନେଶର ୫୭ ନମ୍ବର ରାଜ୍ୟ ରାଜପଥ କମର୍ଦ୍ଦା ଥାନା ଛଣପୋଖରୀଠାରେ ଆଜି ସ୍କୁଟି, କାର ମୁହାଁମୁହିଁ ଧକ୍କା ହେଇଛି। ଘଟଣାସ୍ଥଳରେ...

ଉଦୟପୁର ବେଳାଭୂମିରେ ଲାଗିଲା ଏଭଳି ଯନ୍ତ୍ର, ଦେଖିଲେ…

ଭୋଗରାଇ,୫ ।୧୧ ( ପ୍ରଦୀପ ଦାସ ): ଓଡ଼ିଶା ସୀମାନ୍ତ ବାଲେଶ୍ୱର ଜିଲା ଭୋଗରାଇ ବ୍ଲକ ଉଦୟପୁର ସମୁଦ୍ରକୂଳରେ ସୋମବାର ଜାହାଜର ଦିଗ ନିର୍ଣ୍ଣୟ ଯନ୍ତ୍ର(...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri