ପାରାଦୀପ ଗଡ଼ରେ ଅଗ୍ନିକାଣ୍ଡ, ୩ ଦୋକାନ ଜଳିଗଲା
1:38 pmDecember 14, 2019 / 06

ପାରାଦୀପ,୧୪।୧୨(ସ୍ବ.ପ୍ର.): ପାରାଦୀପ ଲକ୍‌ ଥାନା ଅନ୍ତର୍ଗତ ଗଡ଼ ଗ୍ରାମର ଗେଟ୍‌ବଜାରରେ ଶନିବାର ଅଗ୍ନିକାଣ୍ଡ ଘଟି ୩ ଦୋକାନଘର ପାଉଁଶ ହୋଇଯାଇଛି। ଏଥିରେ କେହି ମୃତାହତ ହୋଇ ନ ଥିଲେ ହେଁ ପ୍ରାୟ ୭ଲକ୍ଷରୁ ଅଧିକ ଟଙ୍କାର ଆସବାବପତ୍ର ଏବଂ ଦୋକାନ ସାମଗ୍ରୀ ଜଳିଯାଇଥିବା ଜଣାପଡ଼ିଛି। ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି। ତେବେ ବିଦ୍ୟୁତ୍‌ ଶର୍ଟ ସର୍କିଟ ପାଇଁ ଅଗ୍ନିକାଣ୍ଡ ଘଟିଥାଇପାରେ ବୋଲି ଅନୁମାନ କରାଯାଉଛି। ସକାଳେ ଜଣେ ପୂଜକ ଉକ୍ତ ବାଟ ଦେଇ ଯିବା ବେଳେ ଦୋକାନ ଘର ଜଳୁଥିବା ଦେଖିଥିଲେ। ସେ ଏନେଇ ଖବର ଦେବା ପରେ ସ୍ଥାନୀୟ ଲୋକେ ଓ କୁଜଙ୍ଗ ଅଗ୍ନିଶମ ବିଭାଗ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ।