ନୂଆଦିଲ୍ଲୀ,୨୯।୧୧(ପି.ଟି.): ଚିଟ୍ଫଣ୍ଡ ସଂଶୋଧନ ବିଲ୍ ଗୁରୁବାର ପାର୍ଲାମେଣ୍ଟରେ ଗୃହୀତ ହୋଇଛି। ୨୦ ତାରିଖରେ ଏହା ଲୋକ ସଭାର ଅନୁମୋଦନ ଲାଭ କରିଥିବାବେଳେ ଗୁରୁବାର ରାଜ୍ୟ ସଭା ଏହାକୁ ମଞ୍ଜୁରୀ ଦେଇଛି। ପ୍ରସ୍ତାବିତ ବିଲ୍ରେ ବ୍ୟକ୍ତିବିଶେଷ କିମ୍ବା ୪ ଜଣରୁ କମ୍ ଲୋକଙ୍କ ଦ୍ୱାରା ପରିଚାଳିତ ଚିଟ୍ଫଣ୍ଡର ଅର୍ଥସୀମାକୁ ୧ ଲକ୍ଷରୁ ୩ ଲକ୍ଷକୁ ବୃଦ୍ଧି କରାଯାଇଥିବାବେଳେ ୪ କିମ୍ବା ତଦୂର୍ଦ୍ଧ୍ୱ ଅଂଶୀଦାରଙ୍କ ଫାର୍ମ ଦ୍ୱାରା ପରିଚାଳିତ ଚିଟ୍ଫଣ୍ଡର ଅର୍ଥରାଶି ସୀମାକୁ ୬ ଲକ୍ଷରୁ ୧୮ ଲକ୍ଷ ଟଙ୍କାକୁ ବଢ଼ାଇଦିଆଯାଇଛି। ଚିଟ୍ଫଣ୍ଡ ପରିଚାଳନା ପାଇଁ ଉତ୍ତରଦାୟୀ ଫୋର୍ମ୍ୟାନଙ୍କ ସର୍ବାଧିକ କମିଶନକୁ ୫ ପ୍ରତିଶତରୁ ୭ ପ୍ରତିଶତକୁ ବୃଦ୍ଧି କରାଯାଇଛି।
