ନୂଆଦିଲ୍ଲୀ,୧୬।୧୦: ବରିଷ୍ଠ କଂଗ୍ରେସ ନେତା ତଥା ପୂର୍ବତନ ଅର୍ଥମନ୍ତ୍ରୀ ପି. ଚିଦାମ୍ବରମଙ୍କୁ ବୁଧବାର ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ପକ୍ଷରୁ ଗିରଫ କରାଯାଇଛି। ଆଇଏନଏକ୍ସ ମିଡିଆ ମନିଲଣ୍ଡରିଂ ମାମଲାରେ ଇଡିର ତିନି ଜଣିଆ ଟିମ ତାଙ୍କୁ ଘଣ୍ଟାଏ ଧରି ପଚରାଉଚରା କରିବା ପରେ ଶେଷରେ ଗରିଫ କରିଛି। ଅପରାହ୍ନରେ ଚିଦାମ୍ବରମଙ୍କୁ କୋର୍ଟରେ ହାଜର ହେବେ। ପୂର୍ବରୁ ପି. ଚିଦାମ୍ବରମ ସିବିଆଇ ଦ୍ୱାରା ଗିରଫ ହୋଇ ଏବେ ତିହାର ଜେଲରେ ବିଚାର ବିଭାଗୀୟ ହାଜତରେ ଅଛନ୍ତି। ସୂଚନାଯୋଗ୍ୟ, ସ୍ବତନ୍ତ୍ର କୋର୍ଟ ବିଚାରପତି ଅଜୟ କୁମାର କୁହାର ଗତ ମଙ୍ଗଳବାର ଚିଦାମ୍ବରମଙ୍କୁ ପଚରାଉଚରା ପାଇଁ ଇଡିକୁ ଅନୁମତି ପ୍ରଦାନ କରିଥିଲେ। ଯଦି ଆବଶ୍ୟକ ପଡ଼େ ତାଙ୍କୁ ଇଡି ଗିରଫ କରିପାରେ ବୋଲି କୋର୍ଟ କହିଥିଲେ।
