ବାରିପଦା ଅଫିସ,୧୬ା୯- ୟୁନାଇଟେଡ ନେସନ ଇଣ୍ଡଷ୍ଟ୍ରିଆଲ ଡେଭଲପମେଣ୍ଟ ଅର୍ଗାନାଇଜେସନ(ୟୁନିଡୋ)ର ଏକ ପ୍ରତିନିଧୀ ଦଳ ରବିବାର ବାରିପଦାସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ପରିଦର୍ଶନରେ ଆସିଥିଲେ। ୟୁନିଡୋର ଇଣ୍ଡିପେଣ୍ଡେଣ୍ଟ କନସଲଷ୍ଟାଣ୍ଟ ଡରୋଥି ଲକ୍ସଙ୍କ ନେତୃତ୍ୱରେ ଷ୍ଟେଟ ପଲ୍ୟୁସନ କଣ୍ଟୋଲ ବୋର୍ଡର ରିଜିଓନାଲ ଅଫିସର ମହୋ ଚତୁର୍ବେଦୀ, ପ୍ରକଳ୍ପ ଅଧିକାରୀ ମନିଷା ଦାସ, ଶିବାନୀ ପାଲ ପ୍ରମୁଖ ମେଡିକାଲ କଲେଜକୁ ଆସି ଜୈବିକ ବର୍ଜ୍ୟବସ୍ତୁ ପରିଚାଳନା କାର୍ଯ୍ୟକୁ ବୁଲି ଦେଖିଥିଲେ। ଏହି କାର୍ଯ୍ୟ କିଭଳି ଭାବେ କାର୍ଯ୍ୟକାରୀ ହେଉଛି ଏବଂ ସଠିକ ଭାବେ ପରିଚାଳନା ପାଇଁ ଆବଶ୍ୟକ ସାମଗ୍ରୀ ଓ ଭିତ୍ତିଭୂମୀ ଦେଖିଥିଲେ। ଏହା ସହିତ ମେଡିକାଲ କର୍ତ୍ତୃୃପକ୍ଷଙ୍କୁ ଏହି ପ୍ରତିନିଧିଦଳ ବିଭିନ୍ନ ପରାମର୍ଶ ଦେଇଛନ୍ତି। ଇଂ. ଦେବାଶିଷ ବିଶ୍ୱାଳ ଏହି ପ୍ରତିନିଧି ଦଳକୁ ବିସ୍ତୃତ ଭାବେ ତଥ୍ୟ ପ୍ରଦାନ କରିଥିଲେ। ଏନଭରମେଣ୍ଟାଲ ସାଇଣ୍ଟିଷ୍ଟ ସନ୍ଧ୍ୟାରାଣୀ ମାରାଣ୍ଡି, ଡା.ପ୍ରଣବ ଶଙ୍କର ଦାଶ, ମେଡିକାଲ କଲେଜର ମ୍ୟାନେଜର ଡା.ବିନୋଦିନୀ ଦାଶ, ରିଜିଓନାଲ ଅଫିସର ପି.କେ ମହାପାତ୍ର, ରାଜିବ ମିଶ୍ର ପ୍ରମୁଖ ୟୁନିଡୋ ଟିମର ଗସ୍ତ ବେଳେ ଉପସ୍ଥିତ ଥିଲେ।
