ମିଲାନ,୨।୬(ପି.ଟି.): ଆର୍ଜେଣ୍ଟିନ ଫୁଟବଲର ତଥା ଇଣ୍ଟର ମିଲାନ ଷ୍ଟ୍ରାଇକର ମାଉରୋ ଇକାର୍ଡି ଜଣାଶୁଣା କ୍ଲବ ପ୍ୟାରିସ ସେଣ୍ଟ ଜର୍ମାନ (ପିଏସ୍ଜି) ସହ ଏକ ୪ ବର୍ଷଆ ଚୁକ୍ତି କରିଛନ୍ତି। ଫଳରେ ସେ ପିଏସ୍ଜି ପାଇଁ ୨୦୨୪ ପର୍ଯ୍ୟନ୍ତ ଖେଳିବା ସ୍ପଷ୍ଟ ହୋଇଛି। ୨୭ ବର୍ଷୀୟ ଇକାର୍ଡି ଏହାପୂର୍ବରୁ ଇଣ୍ଟର ମିଲାନ ପାଇଁ ଖେଳୁଥିଲେ। ଇଣ୍ଟର ମିଲାନ ତରଫରୁ ଇକାର୍ଡିଙ୍କୁ ଧନ୍ୟବାଦ ଦିଆଯାଇଛି। କ୍ଲବ ପାଇଁ ୬ଟି ସେସନ ଖେଳିଥିବାରୁ ତାଙ୍କୁ କୃତଜ୍ଞତା ଜଣାଉଛୁ ବୋଲି ମିଲାନ ତରଫରୁ କୁହାଯାଇଛି। ଏଥି ସହିତ ତାଙ୍କ ଉଜ୍ଜଳ ଭବିଷ୍ୟତ ପାଇଁ ମଧ୍ୟ କାମନା କରାଯାଇଛି। ୧୯୯୩ରେ ଆର୍ଜେଣ୍ଟିନାର ରୋସାରିଓରେ ଜନ୍ମିତ ଏହି ଷ୍ଟ୍ରାଇକର ଦେଶ ପାଇଁ ୮ଟି ମ୍ୟାଚ୍ ଖେଳି ଗୋଟିଏ ଗୋଲ ସ୍କୋର କରିଛନ୍ତି। ଇକାର୍ଡିଙ୍କର ମଧ୍ୟ ଇଟାଲୀ ପାସ୍ପୋର୍ଟ ରହିଛି। ସେ ୨୦୨୪ ଜୁନ୍ ୩୦ ତାରିଖ ପର୍ଯ୍ୟନ୍ତ ଆମ ସହିତ ସାମିଲ ରହିବେ ବୋଲି ପିଏସ୍ଜି ତରଫରୁ କୁହାଯାଇଛି। ଇକାର୍ଡି ୧୬ତମ ଆର୍ଜେଣ୍ଟିନା ଖେଳାଳିଭାବେ ପିଏସ୍ଜି ସହିତ ଜଡିତ ହେବାକୁ ଯାଉଛନ୍ତି। ୨୦୧୯-୨୦ରେ ଇଣ୍ଟର ମିଲାନରୁ ଅନ୍- ଲୋନ ମୁଭ୍ ପରେ ସେ ପିଏସ୍ଜି ପାଇଁ ୩୧ଟି ମ୍ୟାଚ୍ ଖେଳିଛନ୍ତି।
