ଭବାନୀପାଟଣା,୪।୨(ଡିଏନଏ): କଳାହାଣ୍ଡି ଜିଲା ଭବାନୀପାଟଣା ବ୍ଲକ ଅନ୍ତର୍ଗତ ଭଙ୍ଗାବାବରୀରେ ଥିବା ଓପିଟିସିଏଲ ଗ୍ରୀଡ୍ ମରାମତି ପାଇଁ ବିଦ୍ୟୁତ କାଟ ହେବ । ଏ ନେଇ ମଙ୍ଗଳବାର ୱେସ୍କୋର ପୂର୍ବଖଣ୍ଡ ଡିଭିଜନ ନିର୍ବାହୀଯନ୍ତ୍ରୀ ଇଂ ଆଲୋକ ପଟ୍ଟନାୟକ ଏକ ପ୍ରେସ ବିଜ୍ଞପ୍ତିରେ ଜଣାଇଛନ୍ତି। ବାର୍ଷିକ ରକ୍ଷଣାବେକ୍ଷଣ ପାଇଁ ଗ୍ରୀଡ ମରାମତି ହେଉଥିବାରୁ ବିଦ୍ୟୁତକାଟ ହେବ ବୋଲି ସୂଚନା ମିଳିଛି। ଫେବୃୟାରୀ ୫ ତାରିଖରୁ ୧୧ ତାରିଖ ଓ ୧୩ ତାରିଖ ସକାଳ ୯ ଟାରୁ ଦିନ ୧ ଟା ପଯର୍ୟନ୍ତ ବିଦୁତ ସେବା ବନ୍ଦ ରହିବ। ସେହିଭଳି ଫେବୃୟାରୀ ୧୪ ତାରିଖ ସକାଳ ୭ ଟାରୁ ସନ୍ଧ୍ୟା ୫ ଟା ପଯର୍ୟନ୍ତ ବିଦ୍ୟୁତ ସେବା ବନ୍ଦ ହେବ ବୋଲି ସୂଚନା ମିଳିଛି। ଏଥିଯୋଗୁ ଭବାନୀପାଟଣା ସହର, କାମଠଣା, ଭଙ୍ଗାବାରୀ, ମେଦିନୀପୁର, ଶଗଡ଼ା, ଦେପୁର, କୁଟୁଖମାର, ବାନ୍ଦୋପଲା ସମେତ ଭବାନୀପାଟଣା ସହରର ଆଖପାଖ ଅଞ୍ଚଳରେ ବିଦ୍ୟୁତ୍ ସେବା ବନ୍ଦ ରହିବ।
