‘ପିଲାମାନେ ପ୍ରାରମ୍ଭିକ ଶିକ୍ଷାରୁ ଇଂଲିଶ କୁହନ୍ତୁ ବୋଲି ଅଭିଭାବକ ଚାହୁଁଛନ୍ତି’

ରାଜ୍ୟରେ ପ୍ରାଥମିକ ଶିକ୍ଷାର ଗୁଣାତ୍ମକ ମାନ ବୃଦ୍ଧି ନେଇ ସରକାରୀସ୍ତରରେ ବିଭିନ୍ନ ବ୍ୟବସ୍ଥା ଗ୍ରହଣ କରାଯାଉଛି। ତଥାପି ଅଭିଭାବକମାନେ ନିଜ ପିଲାର ଉତ୍ତମ ଭବିଷ୍ୟତ ଗଢିବା ପାଇଁ ସରକାରୀ ବିଦ୍ୟାଳୟ ପରିବର୍ତ୍ତେ ଘରୋଇ ବିଦ୍ୟାଳୟ ଉପରେ ବିଶେଷ ପ୍ରାଧାନ୍ୟ ଦେଉଛନ୍ତି। ସମ୍ପ୍ରତି ସରକାରୀ ବିଦ୍ୟାଳୟ ପ୍ରତି ଅଭିଭାବକଙ୍କ ଆସ୍ଥା ବଢାଇବା ସରକାରଙ୍କ ପାଇଁ ଚ୍ୟାଲେଞ୍ଜ ହୋଇଛି। ଏଭଳି ସ୍ଥିତିରେ ରାଜ୍ୟର ଶିକ୍ଷା ବ୍ୟବସ୍ଥା ସମ୍ପର୍କିତ ବିଭିନ୍ନ ପ୍ରସଙ୍ଗରେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସଙ୍କ ସହ ଧରିତ୍ରୀର ଆଳାପ।

ସିବିଏସ୍‌ଇ କର୍ତ୍ତୃପକ୍ଷ ନିକଟରେ ପରୀକ୍ଷା ଫି’ ବୃଦ୍ଧି କରିଛନ୍ତି। ଏହା ଅଭିଭାବକଙ୍କ ପାଇଁ ବୋଝ ଉପରେ ନଳିତା ବିଡ଼ା ସଦୃଶ ନୁହେଁ କି?
ଉତ୍ତର: ସିବିଏସ୍‌ଇର ଏଭଳି ନିଷ୍ପତ୍ତି ଅଭିଭାବକଙ୍କୁ ନିଶ୍ଚିତ ଭାବେ ବାଧିଛି। ଏନେଇ ରାଜ୍ୟ ସରକାରଙ୍କ ପକ୍ଷରୁ ଫି’ କମାଇବା ପାଇଁ କେନ୍ଦ୍ରମନ୍ତ୍ରୀଙ୍କୁ ଅନୁରୋଧ କରାଯାଇଛି।
ସିବିଏସ୍‌ଇ କର୍ତ୍ତୃପକ୍ଷଙ୍କ ଫି’ ବୃଦ୍ଧିକୁ ରାଜ୍ୟ ସରକାର ନିଜ ନିୟନ୍ତ୍ରଣାଧୀନ ରଖିବା ପାଇଁ ଯେଉଁ ଫି’ ନିୟନ୍ତ୍ରିତ କମିଟି ଗଠନ କରିବା କଥା ସେଥିରେ କାହିଁକି ବିଳମ୍ବ ଘଟୁଛି?
ଅଭିଭାବକ ମହାସଂଘ ପକ୍ଷରୁ ଏନେଇ ବାରମ୍ବାର ଦାବି କରାଯାଉଛି। ସରକାର ମଧ୍ୟ ଏବିଷୟରେ ସଚେତନ ଅଛନ୍ତି, ଆସନ୍ତା ଶିକ୍ଷା ବର୍ଷ ଆରମ୍ଭ ବେଳକୁ ଫି’ ନିୟନ୍ତ୍ରିତ କମିଟି ନିଶ୍ଚିତ ଭାବେ ଗଠନ କରାଯିବ।
ସରକାରୀ ବିଦ୍ୟାଳୟ ଅପେକ୍ଷା ଅଭିଭାବକମାନେ କାହିଁକି ଘରୋଇ ସ୍କୁଲରେ ନିଜ ପିଲାଙ୍କୁ ପାଠ ପଢାଇବାକୁ ଅଧିକ ଇଚ୍ଛା କରୁଛନ୍ତି?
ଉତ୍ତର: ସାଧାରଣଭାବେ ଅଭିଭାବକମାନେ ଚାହାନ୍ତି ଯେ, ସେମାନଙ୍କ ପିଲାମାନେ ପ୍ରାରମ୍ଭିକ ଶିକ୍ଷାରୁ ହିଁ ଇଂଲିଶ କହିବା ଶିଖନ୍ତୁ, ଯାହାକି ସରକାରୀ ବିଦ୍ୟାଳୟଗୁଡ଼ିକରେ ହୋଇପାରେ ନାହିଁ। ଏବେ ଆଦର୍ଶ ବିଦ୍ୟାଳୟରେ ଇଂଲିଶ ବିଷୟକୁ ଅଧିକ ପ୍ରାଧାନ୍ୟ ଦିଆଯାଉଛି, ଯାହାକି ଅଭିଭାବକଙ୍କୁ ଅଧିକ ଆକୃଷ୍ଟ କରିପାରୁଛି।
ମନ୍ତ୍ରୀ ହେବା ପୂର୍ବରୁ କିମ୍ବା ପରେ ସରକାରୀ ସ୍କୁଲରେ ପାଠପଢ଼ା କିପରି ଭଲ ହୋଇପାରିବ ସେ ଦିଗରେ କିଛି ସ୍ବତନ୍ତ୍ର କରିବାକୁ ଚିନ୍ତା କରିଛନ୍ତି?
ଉତ୍ତର: ଗଣଶିକ୍ଷା ବିଭାଗର ମନ୍ତ୍ରୀ ପଦ ପାଇବା ପରେ ବିଭିନ୍ନ ବିଦ୍ୟାଳୟକୁ ଅଚାନକ ଗସ୍ତ କରିଛି। ସେଠାରେ ଅନୁଭବ କରିଛି ଯେ, ସରକାରୀ ସ୍କୁଲର ପିଲାମାନେ ଗଣିତ, ବିଜ୍ଞାନ ଏବଂ ଇଂଲିଶରେ ଦୁର୍ବଳ ରହୁଛନ୍ତି। ଏହାର ପ୍ରମୁଖ କାରଣ ହେଉଛି ସମୟର ଅଭାବ। ଶିକ୍ଷକମାନେ ଗୋଟିଏ ବିଷୟ ୪୫ମିନିଟ୍‌ ପାଇଁ ପଢାଉଛନ୍ତି। ସେଥିରୁ ୧୦ରୁ ୧୫ମିନିଟ୍‌ ଯିବା ଆସିବା ଆଦିରେ ସରିଯାଉଛି। ଫଳରେ ପିଲାଙ୍କୁ ପଢ଼ିବା ପାଇଁ ମାତ୍ର ଅଧଘଣ୍ଟା ମିଳୁଛି, ଯାହାକି ପର୍ଯ୍ୟାପ୍ତ ନୁହେଁ। ତେଣୁ ଏହି ବିଷୟଗୁଡ଼ିକର ସମୟକୁ ୪୫ ମିନିଟରୁ ଦେଢ଼ଘଣ୍ଟା କରିବାକୁ ଚିନ୍ତା କରାଯାଉଛି।
ଗତ ନିର୍ବାଚନରେ ପୁରୀ ଜିଲାରେ ଏକାଧିକ ଟାଣୁଆ ନେତା ହାରି ଯାଇଥିବାବେଳେ ଆପଣ ଏକ ବଡ଼ ବ୍ୟବଧାନରେ ଜିତିଛନ୍ତି, ଏହା କିପରି ସମ୍ଭବ ହେଲା?
ଉତ୍ତର: ନିର୍ବାଚନ ଏକ ପ୍ରକ୍ରିୟା। ଏଥିରେ ଜଣେ ଜିତିବ ଆଉ କିଏ ହାରିବ। ଜଣେ ହାରିଗଲେ ଯେ ଦୁର୍ବଳ ନେତା, ସେ କଥା ଭାବିବା ଭୁଲ୍‌।
ଜଗତ୍‌ସିଂହପୁର ଲୋକ ସଭା କ୍ଷେତ୍ର ମଧ୍ୟରେ ଆସୁଥିବା ସମସ୍ତ ବିଧାନସଭା ଆସନରେ ବିଜେଡି ବାଜିମାତ୍‌ କଲା, ମାତ୍ର ପୁରୀ ଲୋକ ସଭା କ୍ଷେତ୍ରର ଦୁଇଟି ଆସନ ଶାସକ ଦଳ ହରାଇଲା, ଏହା ପଛରେ କାରଣ କ’ଣ?
ଉତ୍ତର: ସର୍ଜିକାଲ ଷ୍ଟ୍ରାଇକ କଥା ଉଠିଲା ପରେ ଏହାକୁ ନେଇ ଏକ ଭିନ୍ନଧରଣର ପ୍ରଚାର ପ୍ରସାର ଆରମ୍ଭ ହେଲା। ମୋଦିଙ୍କ ସପକ୍ଷରେ ଜନମତ ସୃଷ୍ଟି କରିବାକୁ ଏହାକୁ ରଣକୌଶଳ ଭାବେ ଗ୍ରହଣ କରାଗଲା, ଯାହାର ଶିକାର ପୁରୀ ଜିଲାର ଦୁଇଟି ଆସନରେ ବିଜେଡିକୁ ହରାଇବାକୁ ପଡ଼ିଲା।
– ସାକ୍ଷାତ୍‌: ସୁନୀତ ମିଶ୍ର, ଭୁବନେଶ୍ୱର


Enter your email to get our daily news in your inbox.

All Right Reserved By Dharitri.Com

କାରଖାନାରେ ଶ୍ରମିକଙ୍କୁ ଉଲଗ୍ନ କରି ମାଡ଼

ଢେଙ୍କାନାଳ,୧ା୧୦(ରତନ ନାୟାର): ଢେଙ୍କାନାଳ ଜିଲା ମୋଟଙ୍ଗା ଥାନା ଅଞ୍ଚଳରେ ଜଗନ୍ନାଥ ପାୱାର ନାମକ ଏକ କମ୍ପାନୀ ପରିସରରେ ଗତ ୩ ଦିନ ତଳେ କାରଖାନାରେ କାର୍ଯ୍ୟରତ...

ରୋଡ ରୋମିଓଙ୍କୁ ଧରି ନିସ୍ତୁକ ପିଟିଲେ ଯୁବତୀ

ତାଳଚେର,୧।୧୦: ଅନୁଗୋଳ ଜିଲା ତାଳଚେର ହାଟତୋଟା ବଜାରରେ ମଙ୍ଗଳବାର ଏକ ଅଭାବନୀୟ ଘଟଣା ଘଟିଛି। ଦୁଇଜଣ ରୋଡ୍‌ ରୋମିଓ ବଜାରରେ ଜଣେ ଯୁବତୀଙ୍କୁ ଅଶ୍ଲୀଳ ଇଙ୍ଗିତ...

ବିଡିଓଙ୍କୁ ତାଲା ପକାଇଲେ ଏମ୍‌ପିଙ୍କ ପ୍ରତିନିଧି, ଭାଜପା କର୍ମକର୍ତ୍ତା

କେନ୍ଦୁଝର,୧।୧୦(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲା ତେଲକୋଇ ବିଡିଓଙ୍କ ବ୍ୟବହାରରେ କ୍ଷୁବ୍ଧ ହୋଇ ମଙ୍ଗଳବାର ଭାଜପା ନେତା ଓ କର୍ମୀ ବ୍ଲକ କାର୍ଯ୍ୟାଳୟ ମୁଖ୍ୟ ଗେଟ୍‌ରେ...

ପୋଲିସ ସ୍ବାମୀଙ୍କୁ ମାରି ଦେଇଥିବା ଅଭିଯୋଗ ଆଣିଥିଲେ ସ୍ତ୍ରୀ: ଏସ୍‌ଆଇ, ହାବିଲଦାର ନିଲମ୍ବିତ

ଫୁଲବାଣୀ, ୧ା୧୦(ରାକେଶ କୁମାର ରାଉତ): କନ୍ଧମାଳ ଜିଲା ଫିରିଙ୍ଗିଆ ବ୍ଲକ ଗୋଚ୍ଛାପଡା ଥାନା ଡାଙ୍ଗଣାମୁ ଘାଟି ରାସ୍ତାରୁ ଗତ ୨୬ ତାରିଖରେ ବୌଦ୍ଧ ଜିଲା କଣ୍ଟାମାଳ...

ଚିଡିଆଖାନାରେ ମଣିଷଖିଆ କଲରାପତରିଆ ବାଘ ଦେଖିବେ ପର୍ଯ୍ୟଟକ

ସମ୍ବଲପୁର,୧ା୧୦(ପ୍ରମୋଦ ବହିଦାର): ସମ୍ବଲପୁର ମୋତିଝରଣସ୍ଥିତ ଚିଡ଼ିଆଖାନା(ଡିଅରପାର୍କ)ରେ ପର୍ଯ୍ୟଟକମାନେ ଏକ ମଣିଷଖିଆ କଲରାପତରିଆ ଦେଖିପାରିବେ। ଚିଡ଼ିଆଖାନାରେ ସ୍ବତନ୍ତ୍ର ଭାବେ କାଚରେ ନିର୍ମିତ ଆବଦ୍ଧ କୋଠରିରେ ବାଘକୁ ଛଡ଼ାଯାଇଛି।...

ସମ୍ବଲପୁର ନାବାଳିକା ବଳାତ୍କାର, ହତ୍ୟା ମାମଲା: ଅଭିଯୁକ୍ତଙ୍କୁ ଫାଶୀଦଣ୍ଡ ଦେଲେ କୋର୍ଟ

ସମ୍ବଲପୁର,ଜମନକିରା,୧ା୧୦(ପ୍ରମୋଦ ବହିଦାର, ରବିନ୍ଦ୍ର ଦାନୀ): ସମ୍ବଲପୁର ଜିଲା ଜମନକିରା ଥାନା ଅଧୀନ କସଡ଼ା ଗ୍ରାମରେ ଘଟିଥିବା ନାବାଳିକା ବଳାତ୍କାର ଓ ହତ୍ୟା ମାମଲାର ରାୟ ମଙ୍ଗଳବାର...

ପାର୍ବଣରେ ବୋନସ୍‌ ଦାବି ତେଜିଲା, ନ ମିଳିଲେ…

ରାଉରକେଲା,୧।୧୦(ବିପ୍ଳବ ରଞ୍ଜନ ଦାଶ): ଆର୍‌ଏସ୍‌ପିରେ କାର୍ଯ୍ୟରତ ଠିକା ଶ୍ରମିକଙ୍କୁ ବୋନସ୍‌ ପ୍ରଦାନ ଦାବି ନେଇ ରାଉରକେଲା ହିନ୍ଦ୍‌ ମଜଦୁର ସଭା ଓ ଜିଲା ଶିଳ୍ପାଞ୍ଚଳ ଶ୍ରମିକ...

ବ୍ଲାକଲିଷ୍ଟ ସଂସ୍ଥାକୁ ଦିଆଯାଇଛି ଆର୍‌ଆଇ, ଅମିନ ପରୀକ୍ଷା ଦାୟିତ୍ୱ: ଆଇଟି ମନ୍ତ୍ରୀ ଦେଲେ ବଡ଼ ମନ୍ତବ୍ୟ

ଭୁବନେଶ୍ୱର,୧ା୧୦: ଓଡ଼ିଶା ସବ-ଅର୍ଡିନେଟ ଷ୍ଟାଫ୍ ସିଲେକ୍ସନ କମିଶନ(ଓଏସଏସଏସସି) ଦ୍ୱାରା ଆର୍‌ଆଇ, ଏଆର୍‌ଆଇ, ଆଇସିଡିଏସ୍‌ ସୁପର ଭାଇଜର, ଅମିନ ପରୀକ୍ଷାରେ ଅନିୟମିତତା ହେଉଥିବା ଅଭିଯୋଗ ମଧ୍ୟରେ ବଡ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri