ଓ୍ବାଶିଂଟନ,୨୫।୪: ମଙ୍ଗଳ ଗ୍ରହକୁ ମାନବ ମିଶନ ପଠାଇବା ପାଇଁ ଯୋଜନା ଚାଲିଛି। ତେବେ ମଙ୍ଗଳରେ ଭବିଷ୍ୟତରେ ବାସ କରିବାକୁ ଯାଉଥିବା ଲୋକେ ଭୂକମ୍ପର ଅନୁଭୁତି ପାଇପାରିବେ। ଏନେଇ ଅନ୍ତର୍ଜାତୀୟ ମହାକାଶ ଗବେଷଣା ସଂସ୍ଥା ନାସା ପକ୍ଷରୁ ସୂଚନା ଦିଆଯାଇଛି। ପୃଥିବୀ ଓ ଚନ୍ଦ୍ର ପରି ମଙ୍ଗଳରେ ମଧ୍ୟ ଭୂକମ୍ପ ହୋଇଥାଏ ବୋଲି ନାସାର ମହାକାଶ ବିଜ୍ଞାନୀ କହିଛନ୍ତି। ମଙ୍ଗଳକୁ ପଠାଯାଇଥିବା ଇନସାଇଟ୍ ପ୍ରୋବ୍ ଦ୍ୱାରା ଉଠାଯାଇଥିବା ତଥ୍ୟରୁ ଏହା ଜଣାପଡ଼ିଛି। ଚଳିତ ବର୍ଷ ମାର୍ଚ୍ଚ ୧୧ ଏବଂ ଏପ୍ରିଲ୍ ୧୧ରେ ମଙ୍ଗଳରେ କମ୍ପନ ସୃଷ୍ଟି ହୋଇଥିବା ଇନସାଇଟ୍ ପ୍ରୋବ୍ ପଠାଇଥିବା ତଥ୍ୟରୁ ମହାକାଶ ବିଜ୍ଞାନୀ ଅନୁମାନ କରୁଛନ୍ତି। ନାସା ପକ୍ଷରୁ ଇନସାଇଟ୍ ପ୍ରୋବ୍କୁ ୨୦୧୮ ମେ ୫ରେ ମଙ୍ଗଳ ଗ୍ରହରେ ସୃଷ୍ଟି ହେଉଥିବା କମ୍ପନ ସମ୍ପର୍କରେ ତଥ୍ୟ ସଂଗ୍ରହ ପାଇଁ ପ୍ରେରଣ କରାଯାଇଥିଲା।
