ବ୍ରହ୍ମପୁର ଅଫିସ,୨୧ା୫: ଚଳିତ ବର୍ଷର ମାଟ୍ରିକ ପରୀକ୍ଷାଫଳ ମଙ୍ଗଳବାର ପ୍ରକାଶ ପାଇଛି। ଗଞ୍ଜାମ ଜିଲାରେ ପାସ ହାର ୭୧.୮୫% ରହିଛି। ଜିଲାରେ ମୋଟ ୪୮ ହଜାର ୭୭୭ ଛାତ୍ରୀଛାତ୍ର ପରୀକ୍ଷା ଦେବା ପାଇଁ ଫର୍ମ ପୂରଣ କରିଥିଲେ। ସେଥିରୁ ୪୭୧ ଜଣ ଅନୁପସ୍ଥିତ ଥିବା ବେଳେ ୪୮ ହଜାର ୩୦୬ ଛାତ୍ରୀଛାତ୍ର ପରୀକ୍ଷା ଦେଇଥିଲେ। ସେମାନଙ୍କ ମଧ୍ୟରୁ ୧୦ଜଣ ମାଲ ପ୍ରାକ୍ଟିସ ଯୋଗୁ ଧରା ପଡ଼ିଥିଲେ। ତେବେ ଜିଲାରେ ଚଳିତ ବର୍ଷ ୩୪ ହଜାର ୭୦୩ ଛାତ୍ରୀଛାତ୍ର ପାସ ହୋଇଛନ୍ତି । ସେମାନଙ୍କ ମଧ୍ୟରେ ୧୭ ହଜାର ୬୫ ଛାତ୍ର ଥିବା ବେଳେ ୧୭ ହଜାର ୬୩୮ ଜଣ ଛାତ୍ରୀ ଅଛନ୍ତି। ଏ-୧ ଗ୍ରେଡ୍ରେ ୧୨୭ ଜଣ ଉତ୍ତୀର୍ଣ୍ଣ ହୋଇଥିବା ବେଳେ ଏ-୨ ଗ୍ରେଡ୍ରେ ୧୦୦୪, ବି-୧ ଗ୍ରେଡରେ ୨୨୩୮, ବି-୨ ଗ୍ରେଡ୍ରେ ୩୯୨୬, ସି ଗ୍ରେଡରେ ୬୫୧୨, ଡି ଗ୍ରେଡରେ ୧୦୧୬୨, ଇ ଗ୍ରେଡରେ ୧୦୬୯୧ ଏବଂ ଏଫ୍ ଗ୍ରେଡରେ ୧୩୫୯୩ ଜଣ ଉତ୍ତୀର୍ଣ୍ଣ ହୋଇଛନ୍ତି।
ସେହିଭଳି ୨୫୬୨ ଜଣ ଏକ୍ସ ରେଗୁଲାର ପରୀକ୍ଷା ଦେଇଥିଲେ। ସେମାନଙ୍କ ମଧ୍ୟରୁ ୧୧୨୨ ଜଣ ପାସ କରିଛନ୍ତି। ମୋଟ ପାସ ହାର ୪୩.୮୦ ପ୍ରତିଶତ ରହିଛି। ଏ-୧ ଗ୍ରେଡ୍ରେ ଜଣେ, ବି-୨ ଗ୍ରେଡ୍ରେ ୪ ଜଣ, ସି- ଗ୍ରେଡରେ ୩୫, ଡି-ରେ ୨୫୮, ଇ-ରେ ୮୧୦ ଏବଂ ଏଫ୍ରେ ୧୪୩୬ ଜଣ ପାସ କରିଛନ୍ତି।
