ପାଲିକେଲ,୫।୩- ଶ୍ରୀଲଙ୍କା ବିପକ୍ଷ ପ୍ରଥମ ଟି୨୦ ମ୍ୟାଚ୍ରେ ଭ୍ରମଣକାରୀ ଓ୍ବେଷ୍ଟଇଣ୍ଡିଜ ୨୫ ରନରେ ବିଜୟୀ ହୋଇଛି। ସ୍ଥାନୀୟ ପାଲିକେଲ ଅନ୍ତର୍ଜାତୀୟ ଷ୍ଟାଡିୟମରେ ବୁଧବାର ଖେଳାଯାଇଥିବା ଏହି ମ୍ୟାଚ୍ରେ ଓ୍ବେଷ୍ଟଇଣ୍ଡିଜ୍ ଟସ୍ ଜିତି ପ୍ରଥମେ ବ୍ୟାଟିଂ କରି ୨୦ ଓଭରରେ ୪ ଉଇକେଟ ହରାଇ ୧୯୬ ରନ ସଂଗ୍ରହ କରିଥିଲା। ଜବାବରେ ଶ୍ରୀଲଙ୍କା ୧୯.୧ ଓଭରରେ ୧୭୧ ରନକରି ଅଲଆଉଟ ହେବା ସହ ପରାସ୍ତ ହୋଇଥିଲା। ଓ୍ବେଷ୍ଟଇଣ୍ଡିଜ୍ ତରଫରୁ ଓପନର ଲିଣ୍ଡେଲ ସିମନ୍ସ ୫୧ ବଲରୁ ୭ ଚୌକା, ୨ ଛକା ସହ ଅପରାଜିତ ୬୭ ରନ ସଂଗ୍ରହ କରିଥିଲେ। ଅନ୍ୟମାନଙ୍କ ମଧ୍ୟରେ ଅଧିନାୟକ କିରନ ପୋଲାର୍ଡ ୩୪ (୧୫ ବଲ, ୩ ଚୌକା, ୨ ଛକା), ଆନ୍ଦ୍ରେ ରସେଲ ୩୫ (୧୪ ବଲ, ୨ ଚୌକା, ୪ ଛକା), ବ୍ରାଣ୍ଡନ କିଙ୍ଗ୍ ୩୩ ରନକରି ଆଉଟ ହୋଇଥିଲେ। ବୋଲିଂରେ ଶ୍ରୀଲଙ୍କା ତରଫରୁ ଲସିଥ୍ ମାଲିଙ୍ଗା, ଇସିରୁ ଉଡାନା, ଲକ୍ଷନ ସନ୍ଦକାନ ଓ ଓ୍ବାନିଣ୍ଡୁ ହାସରଙ୍ଗା ଗୋଟିଏ ଲେଖାଏ ଉଇକେଟ ଅକ୍ତିଆର କରିଥିଲେ।
୧୯୭ ରନ ଟାର୍ଗେଟର ପିଛା କରି ଶ୍ରୀଲଙ୍କା ୧୭ ରନରେ ୩ ଉଇକେଟ ହରାଇ ପ୍ରାରମ୍ଭିକ ବ୍ୟାଟିଂ ବିପର୍ଯ୍ୟୟର ଶିକାର ହୋଇଥିଲା। ଦଳ ତରଫରୁ କୁଶଲ ପେରେରା ୬୬ (୩୮ ବଲ, ୬ ଚୌକା, ୩ ଛକା), ହାସରଙ୍ଗା ୪୪ (୩୪ ବଲ, ୪ ଚୌକ) ରନ କରି ଆଉଟ ହୋଇଥିବା ବେଳେ ଅନ୍ୟମାନେ ବିଫଳ ହୋଇଥିଲେ। ବୋଲିଂରେ ଓ୍ବେଷ୍ଟଇଣ୍ଡିଜ ତରଫରୁ ଓସେନ ଥୋମାସ ସର୍ବାଧିକ ୫ ଉଇକେଟ ଅକ୍ତିଆର କରି ମ୍ୟାନ୍ ଅଫ୍ ଦି ମ୍ୟାଚ୍ ବିବେଚିତ ହୋଇଛନ୍ତି। ସେହିପରି ରୋଭମାନ ପାଓ୍ବେଲ ୨ ଉଇକେଟ ଅକ୍ତିଆର କରିଥିଲେ।
ସଂକ୍ଷିପ୍ତ ସ୍କୋର:
ଓ୍ବେଷ୍ଟଇଣ୍ଡିଜ୍ ୨୦ ଓଭରରେ ୧୯୬/୪
(ସିମନ୍ସ- ୬୭, ରସେଲ- ୩୫, ପୋଲାର୍ଡ- ୩୪, କିଙ୍ଗ୍- ୩୩, ହାସରଙ୍ଗା- ୧/୩୩)।
ଶ୍ରୀଲଙ୍କା ୧୯.୧ ଓଭରରେ ୧୭୧ ଅଲଆଉଟ
(ପେରେରା- ୬୬, ହାସରଙ୍ଗା- ୪୪, ଥୋମାସ- ୫/ ୨୮, ରୋଭମାନ ପାଓ୍ବେଲ- ୨/୩୧)।
