ବିଶାଖାପାଟନମ, ୧୯।୧୨- ଏକଦିବସୀୟ କ୍ରିକେଟ୍ର ୪୮ ବର୍ଷର ଇତିହାସରେ ପ୍ରଥମଥର ଲାଗି ଏକ ମ୍ୟାଚ୍ରେ ଉଭୟ ଦଳର ଅଧିନାୟକ ପ୍ରଥମ ବଲରେ ଖାତା ଖୋଲିବା ପୂର୍ବରୁ ‘ଶୂନ’ରେ ଆଉଟ୍ ହୋଇଛନ୍ତି। ବୁଧବାର ଏଠାରେ ଭାରତ ଓ ଓ୍ବେଷ୍ଟଇଣ୍ଡିଜ ମଧ୍ୟରେ ଅନୁଷ୍ଠିତ ୨ୟ ଦିନିକିଆ ମ୍ୟାଚ୍ ଅବସରରେ ଏହି ବିରଳ ଘଟଣା ଦେଖିବାକୁ ମିଳିଥିଲା। ପ୍ରଥମେ ବ୍ୟାଟିଂ କରିଥିବା ଭାରତୀୟ ଇନିଂସରେ ୩ ନମ୍ବର ସ୍ଥାନରେ ବ୍ୟାଟିଂ କରିବାକୁ ଆସିଥିବା କୋହଲି ପ୍ରଥମ ବଲରେ ଅଧିନାୟକ କିରନ ପୋଲାର୍ଡଙ୍କ ବଲ୍କୁ କଟ୍ ଶଟ୍ ମାରିବାକୁ ଯାଇ କ୍ୟାଚ୍ ଆଉଟ୍ ହୋଇଥିଲେ। ଦିନିକିଆରେ କୋହଲି ୩ୟଥର ପାଇଁ ଗୋଲ୍ଡେନ ଡକ୍ (ପ୍ରଥମ ବଲରେ ଆଉଟ୍) ହୋଇଛନ୍ତି। ୨୦୧୧ରେ ଓ୍ବେଷ୍ଟଇଣ୍ଡିଜ ବିପକ୍ଷରେ ସେ ପ୍ରଥମେ ଗୋଲ୍ଡେନ ଡକ୍ରେ ଆଉଟ୍ ହୋଇଥିଲେ। ଅପରପକ୍ଷରେ ଓ୍ବେଷ୍ଟଇଣ୍ଡିଜ ଇନିଂସର ୬ ନମ୍ବର ସ୍ଥାନରେ ବ୍ୟାଟିଂ ପାଇଁ ଆସିଥିବା ପୋଲାର୍ଡ ପ୍ରଥମ ବଲରେ ଖାତା ଖୋଲିବା ପୂର୍ବରୁ ରନ୍ ଆଉଟ୍ ହୋଇଥିଲେ।
