ଛତ୍ରପୁର,୩୦ା୫(ଡି.ଏନ୍.ଏ.)-ସୁରଟରୁ ବାଲେଶ୍ୱର ଯାଉଥିବା ଟ୍ରେନ୍ ଚେନ ପୁଲିଂ କରି ଛତ୍ରପୁର ଷ୍ଟେଶନ ନିକଟରେ ୧୫୩୪ ପ୍ରବାସୀ ଶୁକ୍ରବାର ସନ୍ଧ୍ୟାରେ ଓହ୍ଲାଇ ପଡ଼ିଥିଲେ। ଘଟଣା ସ୍ଥଳରେ ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ, ଏସ୍ପି ବ୍ରିଜେଶ କୁମାର ରୟ, ପୋଲିସ, ଆରପିଏଫ ଓ ପ୍ରଶାସନିକ ଅଧିକାରୀ ପହଞ୍ଚି ପ୍ରବାସୀଙ୍କୁ ବୁଝାଶୁଝା କରିଥିଲେ । ପରେ ଏଣେତେଣେ ବୁଲୁଥିବା ୧୫୩୪ ପ୍ରବାସୀଙ୍କୁ ଉଦ୍ଧାର କରଯାଇଥିଲା। ରାତି ସାରା ଉଦ୍ଧାର ଓ ଥଇଥାନ କାର୍ଯ୍ୟ ଚାଲିଥିଲା ଜିଲାପାଳଙ୍କ ନିର୍ଦ୍ଦେଶ କ୍ରମେ ଆରଟିଓ ସଞ୍ଜୟ ବିଶ୍ୱାଳ ୨୭ ବସ୍ ଯୋଗେ ସମସ୍ତଙ୍କୁ ନିଜ ନିଜ ଅଞ୍ଚଳର କ୍ୱାରାଣ୍ଟାଇନ୍ ସେଣ୍ଟରକୁ ପଠାଯାଇଥିବା ପ୍ରଶାସନ ପକ୍ଷରୁ ସୂଚନା ଦିଆଯାଇଛି।
