ଲକ୍ଷ୍ନୌ,୩୦।୬: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କଂଗ୍ରେସ ରାଷ୍ଟ୍ରୀୟ ମହସଚିବ ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ କଡ଼ା ଜବାବ୍ ଦେଇଛନ୍ତି। କଂଗ୍ରେସ ନିର୍ବାଚନରେ ପରାଜିତ ହୋଇଥିବାରୁ ହତାଶ ହୋଇ ବିଭିନ୍ନ ସମୟରେ ଭିନ୍ନ ଭିନ୍ନ ମନ୍ତବ୍ୟ ଦେଉଛି ବୋଲି ଯୋଗୀ ରବିବାର ଟୁଇଟ୍ କରି କହିଛନ୍ତି। ପୂର୍ବରୁ ଶନିବାର ପ୍ରିୟଙ୍କା ଟୁଇଟ୍ କରିଥିଲେ ଯେ ଯୋଗୀଙ୍କ ଶାସନରେ ଅପରାଧୀ ମୁକ୍ତ ଭାବେ ବାହାରେ ବୁଲୁଛନ୍ତି। ରାଜ୍ୟ ସରକାରଙ୍କ ଆଇନ କାନୁନ ପ୍ରତି ସେମାନଙ୍କର ଭୟ ନାହିଁ। ସରକାର ଏଥିରେ ଅଙ୍କୁଶ ଲଗାଇବାରେ ଅସମର୍ଥ ରହିଥିବା ପ୍ରିୟଙ୍କା କହିଥିଲେ। ତେବେ ଯୋଗୀ ଏହାର ଉତ୍ତରରେ କହିଛନ୍ତି ଯେ, ନ ଖାଇ ପାରିଲେ ଅଙ୍ଗୁର ଖଟା ଭଳି ପ୍ରିୟଙ୍କା ମନ୍ତବ୍ୟ ଦେଉଛନ୍ତି। ଏହା ହତାଶ୍ ମନୋଭାବକୁ ସୂଚାଉଥିବା ଯୋଗୀ କହିଛନ୍ତି।
