ନୂଆଦିଲ୍ଲୀ,୨୫।୭(ପିଟି)- ଭାରତୀୟ ଫୁଟ୍ବଲ ଦଳର ଫିଫା ର଼୍ୟାଙ୍କିଙ୍ଗ୍ରେ ଅବନତି ଘଟିଛି। ଦଳ ପୂର୍ବ ଅପେକ୍ଷା ଦୁଇଟି ସ୍ଥାନ ତଳକୁ ଖସି ୧୦୩ତମ ମାନ୍ୟତାରେ ପହଞ୍ଚତ୍ଥିବା ଦର୍ଶାଇଛି ନୂଆ ଫିଫା ର଼୍ୟାଙ୍କିଙ୍ଗ୍। ନିକଟରେ ଶେଷ ହୋଇଥିବା ଇଣ୍ଟରକଣ୍ଟିନେଣ୍ଟାଲ କପ୍ ଟୁର୍ନାମେଣ୍ଟରେ ଭାରତୀୟ ଦଳ ଦୁଇଟି ପରାଜୟ ସହ ଗୋଟିଏ ମ୍ୟାଚ୍ ଡ୍ର’ ରଖିଥିଲା। ଅହମ୍ମଦାବାଦଠାରେ ଅନୁଷ୍ଠିତ ଇଭେଣ୍ଟରେ ଭାରତ ୨-୪ ଗୋଲରେ ତାଜିକସ୍ତାନଠାରୁ ଓ ୨-୫ ଗୋଲରେ କୋରିଆଠାରୁ ପରାସ୍ତ ହୋଇଥିବାବେଳେ ସିରିୟା ବିପକ୍ଷ ମ୍ୟାଚ୍ ୧-୧ ଗୋଲରେ ଅମୀମାଂସିତ ରଖିଥିଲା। ଭାରତ ପାଖରେ ଏବେ ୧୨୧୪ ର଼୍ୟାଙ୍କିଙ୍ଗ୍ ପଏଣ୍ଟ ରହିଛି, ଯାହାକି ପୂର୍ବାପେକ୍ଷା ୫ ପଏଣ୍ଟ କମ୍। ଫିଫା ର଼୍ୟାଙ୍କିଙ୍ଗ୍ରେ ସର୍ବୋଚ୍ଚ ମାନ୍ୟତାପ୍ରାପ୍ତ ଏସିଆନ୍ ଦଳ ମଧ୍ୟରେ ଭାରତ ବର୍ତ୍ତମାନ ୧୮ତମ ସ୍ଥାନକୁ ଖସିଛି। ଫିଫା ର଼୍ୟାଙ୍କିଙ୍ଗ୍ର ୨୩ତମ ସ୍ଥାନରେ ଥିବା ଇରାନ ଶୀର୍ଷ ର଼୍ୟାଙ୍କଧାରୀ ଏସିଆନ୍ ଦଳ। ଏହା ପଛକୁ ଜାପାନ (୩୩ତମ ସ୍ଥାନ), କୋରିଆ (୩୭), ଅଷ୍ଟ୍ରେଲିଆ (୪୬) ଓ କାତାର (୬୨) ରହିଛନ୍ତି। ମୋଟ ଉପରେ ବେଲଜିୟମ ନେତୃତ୍ୱାଧୀନ ର଼୍ୟାଙ୍କିଙ୍ଗ୍ରେ ବ୍ରାଜିଲ, ଫ୍ରାନ୍ସ, ଇଂଲଣ୍ଡ ଓ ଉରୁଗୁଏ ଯଥାକ୍ରମେ ଟପ୍ ୫ରେ ରହିଛନ୍ତି।
