ବନ୍ତଳା/ମାଧପୁର, ୯।୯(ଡି.ଏନ.ଏ.) ଲଗାଣ ବର୍ଷା ଯୋଗୁ ଅନୁଗୋଳ ଜିଲା ବନ୍ତଳା ଥାନା ପୋକତୁଙ୍ଗା ଢିପସାହିରେ ରଞ୍ଜନ ମୁଖୀଙ୍କ ଘର ଭାଙ୍ଗିଯାଇଛି। ଫଳରେ ତାଙ୍କ ପରିବାରର ୩ ଜଣ ଆହତ ହୋଇଛନ୍ତି। ରଞ୍ଜନ ମୁଖୀ (୪୮), ସ୍ତ୍ରୀ ଦିଲ୍ଲୀ ମୁଖୀ(୪୫), ପଦ୍ମିନୀ ମୁଖୀ(୩୫), ଜଗନ ମୁଖୀ (୨୨), ଜଗଦୀଶ ମୁଖୀ(୧୫), ଯସ୍ମିନ ମୁଖୀ(୧୩), ରାକେଶ ମୁଖୀ(୧୦) ଘରେ ଶୋଇଥିବାବେଳେ ଘର ଭାଙ୍ଗିଯାଇଥିଲା। ଫଳରେ ଏବେ ପୂରା ପରିବାର ବାହାରେ ଖୋଲା ଆକାଶ ତଳେ ଆଶ୍ରୟ ନେଇଛନ୍ତି। ସେହିପରି ଆଠମଲ୍ଲିକ ବ୍ଲକ ମାଧପୁର ପଞ୍ଚାୟତ ଗଦାଧରପୁର ଗ୍ରାମର ଦିଗାମ୍ବର ବାଘ ଏବଂ ଦୋଳଗୋବିନ୍ଦ ପ୍ରଧାନଙ୍କ ୨ ବଖରା ଲେଖାଏଁ ଘର କାନ୍ଥ ଭୁଶୁଡ଼ି ପଡିଛି। ଫଳରେ ପୂରା ପରିବାର ବାସହରା ହୋଇପଡିଛନ୍ତି। ଏ ସମ୍ପର୍କରେ ସେମାନେ ମାଧପୁର ରାଜସ୍ବ ନିରୀକ୍ଷକଙ୍କୁ ଜଣେଇବା ପାଇଁ ଆସିଥିଲେ ମଧ୍ୟ ଅଧିକାରୀ ଅନୁପସ୍ଥିତ ଥିବାରୁ ଫେରିଯାଇଛନ୍ତି। ତୁରନ୍ତ କ୍ଷତିଗ୍ରସ୍ତ ପରିବାରକୁ ସହାୟତା ଯୋଗାଇଦେବାକୁ ଦାବି ହୋଇଛି।
