ବଲାଙ୍ଗୀର ଅଫିସ, ୧୭।୭: ପାଟଣାଗଡ଼ ବିଧାୟକଙ୍କ ପରେ ବଲାଙ୍ଗୀରରେ ଏବେ ଜଣେ ପୋଲିସ କନ୍ଷ୍ଟେବଳଙ୍କ ଦବଙ୍ଗଗିରି ଦେଖିବାକୁ ମିଳିଛି।
ଜଣେ ବିଧବା ଆଦିବାସୀ ମହିଳାଙ୍କ ଜମି ଷ୍ଟାମ୍ପ ପେପରରେ ଚଞ୍ଚକତା କରି ଦସ୍ତଖତ ନେଉଥିବା ବଲାଙ୍ଗୀର ଟାଉନ ଥାନାର କନ୍ଷ୍ଟେବଳଙ୍କ ସମ୍ପୃକ୍ତିକୁ ନେଇ ମଙ୍ଗଳବାର ରାତିରେ ଉତ୍ତେଜନା ପ୍ରକାଶ ପାଇଥିଲା । ଏହି ଘଟଣାକୁ ନେଇ ସମ୍ପୃକ୍ତ ପୋଲିସ କନଷ୍ଟେବଳ ଓ ଅନ୍ୟ ଜଣେ ଜମି ବ୍ୟବସାୟୀଙ୍କୁ କେତେଜଣ ଲୋକ ମାଡ଼ ମାରିଥିଲେ। ଘଟଣାକୁ ନେଇ ସମ୍ପୃକ୍ତ ମହିଳା ଟାଉନ ଥାନାରେ ଅଭିଯୋଗ କରିଥିଲେ । ପୋଲିସ ଏହି ଘଟଣାକୁ ନେଇ ତଦନ୍ତ ଜାରି ରଖିଛି । ଏହି ଘଟଣାରେ ପୋଲିସ ୨ଜଣକୁ ଅଟକ ରଖିଥିବା ଜଣାପଡିଛି।
