ବିନିକା,୨୮ା୬(ଡି.ଏନ.ଏ.)-ବାହାଘର ପାଇଁ ସବୁ ଆୟୋଜନ ସରିଥିଲା ା ଘରେ କୁଣିଆଙ୍କ ଭିଡ଼ ଜମିଥିଲା ା ହସଖୁସି ସାଙ୍ଗକୁ ଗହଳ ଚହଳ ଲାଗିଥିଲା ା ଆଉ କିଛି ଘଣ୍ଟା ପରେ ଯୁବକ ଜଣକ ବର ହୋଇ କନ୍ୟାଘରକୁ ଯାଇଥାନ୍ତେ ା ଏଥିପାଇଁ ସରିଥିଲା ସବୁ ପ୍ରସ୍ତୁତି ା ହେଲେ ବାହାଘର ଦିନ ଯୁବକଙ୍କ ଝୁଲନ୍ତା ମୃତଦେହ ଗ୍ରାମ ନିକଟବର୍ତ୍ତୀ ସଂରକ୍ଷିତ ଜଙ୍ଗଲରୁ ଊଦ୍ଧାର ହେବା ଘଟଣା ସମ୍ପୃକ୍ତ ଅଞ୍ଚଳରେ ଶୋକର ଛାୟା ଖେଳାଇ ଦେଇଛି ା ସୁବର୍ଣ୍ଣପୁର ଜିଲା ଡୁଙ୍ଗୁରୀପାଲି ବ୍ଲକ ଏସ.ରାମପୁର ଗ୍ରାମରେ ରବିବାର ଏହି ଅଭାବନୀୟ ଘଟଣା ଘଟିଯାଇଛି ା ମୃତ ଯୁବକ ହେଲେ ଭୋଜରାଜ ଓରଫ ପ୍ରସନ୍ନ ମେହେର (୪୧) ା ସେ ହେଲେ ଏସ.ରାମପୁର ମେହେରପଡାର ସ୍ବର୍ଗତ ଗିରିଜା ମେହେରଙ୍କ ପୁଅ ା ତାଙ୍କ ବାହାଘର ବରଗଡ ଜିଲା ପଦ୍ମପୁର ସହରର ଜଣେ ଯୁବତୀଙ୍କ ସହ ରବିବାର ହେବା ପାଇଁ ଦିନ ଧାର୍ଯ୍ୟ ହୋଇଥିଲା ା ତେବେ ଭୋର ୪ ଟାରୁ ପ୍ରସନ୍ନ ଘରୁ ଉଠି ବାଇକ୍ ଧରି ବାହାରକୁ ଯାଇଥିଲେ ା ସେ କୁଆଡେ ଗଲେ ପରିବାର ଲୋକେ ଖୋଜାଖୋଜି କରିଥିଲେ ହେଁ ସନ୍ଧାନ ପାଇ ନ ଥିଲେ ା କିନ୍ତୁ ସକାଳ ୧୦ଟା ବେଳେ ଏସ .ରାମପୁର ନିକଟ ସିଂଘିଯୁବା ସଂରକ୍ଷିତ ଜଙ୍ଗଲକୁ ଜାଳେଣି କାଠ ସଂଗ୍ରହ କରିବାକୁ ଯାଇଥିବା କେତେଜଣ ଲୋକ ଏକ ୟୁକାଲି ପଟାସ ଗଛରେ ଜଣେ ଯୁବକ ବେକରେ ରଶି ଲଗାଇ ଝୁଲୁଥିବା ଦେଖି ଗ୍ରାମରେ ଖବର ଦେଇଥିଲେ ା ପରେ ପୋଲିସ ଖବରପାଇ ମୃତଦେହ ଉଦ୍ଧାର କରିବା ସହ ଘଟଣାସ୍ଥଳରୁ ମୋବାଇଲ ଫୋନ ଓ ବାଇକ୍(ନଂ ଓଡି-୮୧-୪୭୬୯) ଜବତ କରିଥିଲା ା ପୋଲିସ ମୃତଦେହ ବିନିକା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ବ୍ୟବଚ୍ଛେଦ କରାଇ ପରିବାର ଲୋକଙ୍କୁ ହସ୍ତାନ୍ତର କରିଛି ା ଶୋକାକୁଳ ପରିବେଶରେ ଅପରାହ୍ନରେ ମୃତ ଯୁବକଙ୍କ ଅନ୍ତିମ ସଂସ୍କାର କରାଯାଇଛି ା ପୋଲିସ ଏକ ଅପମୃତ୍ୟୁ ମାମଲା (୧୪/୨୦ )ରୁଜୁ କରି ତଦନ୍ତ ଚଳାଇଛି ା ତେବେ ପ୍ରସନ୍ନ ଆତ୍ମହତ୍ୟା କରିଛନ୍ତି ନା ତାଙ୍କୁ ହତ୍ୟା କରାଯାଇଛି ପୋଲିସ ସେଥିନେଇ ଖୋଳତାଡ କରୁଛି ା
