ଚିତ୍ରକୋଣ୍ଡା,୨୧ା୬(ଡି.ଏନ୍.ଏ.): ମାଲକାନଗିରି ଜିଲା ଚିତ୍ରକୋଣ୍ଡା ୮ମ ବିଏସ୍ଏଫ୍ ବାଟାଲିୟନ ସହାୟତାରେ ସ୍ଥାନୀୟ ମିନି ଷ୍ଟାଡିଅମ ପଡ଼ିଆଠାରେ ବିଶ୍ୱ ଯୋଗ ଦିବସ ପାଳିତ ହୋଇଯାଇଛି। ଏହି ଅବସରରେ ବହୁସଂଖ୍ୟାରେ ଜନସାଧାରଣ ଅଂଶଗ୍ରହଣ କରି ଯୋଗାଭ୍ୟାସ କରିଥିଲେ। ଚିତ୍ରକୋଣ୍ଡାର ଅନୁଭବୀ ଦୈନିକ ଅଭ୍ୟାସର ଯୋଗ ଆଚାର୍ଯ୍ୟ ଲାମା ଗୁରୁ ତଥା ବିଏସ୍ଏଫ କମାଣ୍ଡାଣ୍ଟଙ୍କ ନେତୃତ୍ୱରେ ଯୋଗାଭ୍ୟାସ କାର୍ଯ୍ୟକ୍ରମ ପରିଚାଳିତ ହୋଇଥିଲା। ଏହି କାର୍ଯ୍ୟକ୍ରମରେ ଚିତ୍ରକୋଣ୍ଡା ଯୋଗ ମହୋତ୍ସବ ସମିତିର ସଦସ୍ୟ ଶୃତିରଞ୍ଜନ ନାୟକ, ଅଶୋକ ସ୍ବାଇଁ, ରବି ପାଢ଼ୀ, କ୍ଷୀରୋଦ ବେହେରା ଓ ଅମିତ ଅଗ୍ରୱାଲଙ୍କ ସମେତ ସମସ୍ତ ସଦସ୍ୟ ଯୋଗଦେଇଥିଲେ। ସେହିଭଳି ଚିତ୍ରକୋଣ୍ଡା ଯୋଗ ମହୋତ୍ସବ ଦ୍ୱାରା ପରିଚାଳିତ ଚିତ୍ରକୋଣ୍ଡା ପଞ୍ଚାୟତ ସମିତି ଅନ୍ତର୍ଗତ ୧୮ଟି ପଞ୍ଚାୟତ ଅନ୍ତର୍ଭୁକ୍ତ ୩୦ଟି ବିଦ୍ୟାଳୟରେ ଆଚାର୍ଯ୍ୟମାନଙ୍କ ନେତୃତ୍ୱରେ ବିଶ୍ୱ ଯୋଗ ଦିବସ ପାଳନ କରାଯାଇଛି।
