ବିପୁଳ ପରିମାଣରେ ଚୋରା ମଦ ଜବତ: ୬ଗିରଫ
5:58 pmMarch 8, 2023March 8, 2023 / 41

ନିରାକାରପୁର,୮।୩(ଡି.ଏନ୍‌.ଏ.): ଖୋର୍ଦ୍ଧା ଜିଲା ଜଙ୍କିଆ ଥାନା ପୋଲିସ ବୁଧବାର ଗୋଡିପଡା, ଛଣାଗିରି ଓ ବଳପୁର ଅଞ୍ଚଳରେ ଚଢ଼ାଉ କରି ବିପୁଳ ପରିମାଣରେ ମଦ ଜବତ କରିଛି। ଏଥିସହ ଏହି ଘଟଣାରେ ପୋଲିସ ୬ଜଣଙ୍କୁ ଗିରଫ କରିଛି। ତେବେ ହୋଲି ପାଇଁ ପ୍ରଶାସନ ପକ୍ଷରୁ ମଦ ଦୋକାନଗୁଡିକ ପାଇଁ ବଣ୍ଡ କରାଯାଇଥିବା ବେଳେ ଗିରଫ ହୋଇଥିବା ବ୍ୟକ୍ତିମାନେ ଆଗରୁ ଧରା ହୋଇଥିବା ମଦଗୁଡିକୁ ରଖି ଚଢ଼ା ଦରରେ ବିକ୍ରି କରୁଥିଲେ। ଏହି ଖବର ସ୍ଥାନୀୟ ପୋଲିସ ପାଇ ହୋଲିରେ ଚଢ଼ାଉ କରିଥିଲା। ଏହି ସମୟରେ ଉକ୍ତ ବ୍ୟକ୍ତିମାନେ ବିକ୍ରି କରୁଥିବା ବେଳେ ପୋଲିସ ହାତରେ ଧରା ପଡ଼ିଥିଲେ ବୋଲି ଥାନା ପକ୍ଷରୁ ସୂଚନା ମିଳିଛି।