ଯାଜପୁର ଟାଉନ, ୪।୧୧(ଡି.ଏନ୍.ଏ.): ୧୪ ଦଫା ଦାବିନେଇ ଭାରତ ମଜଦ୍ଦୁର ସଂଘ ଦ୍ୱାରା ପରିଚାଳିତ ଅଲ୍ ଓଡ଼ିଶା ଅଙ୍ଗନୱାଡି ମହିଳା କର୍ମୀଙ୍କ ପକ୍ଷରୁ ସୋମବାର ଯାଜପୁର ଜିଲାପାଳଙ୍କ ଅଫିସ ଆଗରେ ଧାରଣା ଦିଆଯାଇଛି। । କର୍ମଚାରୀଙ୍କ ମାସିକ ବେତନ ୧୮ହଜାର, ଅବସରକାଳୀନ ଭତ୍ତା ୩ହଜାର, ଅବସରକାଳୀନ ଗ୍ରାଚ୍ୟୁଇଟି ୨ ଲକ୍ଷ, ସହାୟିକାଙ୍କୁ ମାସିକ ୯ ହଜାର ଟଙ୍କା ଆଦି ୧୪ ଦଫା ଦାବିନେଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଉପଜିଲାପାଳ ନାରାୟଣ ଚନ୍ଦ୍ର ଧଳଙ୍କୁ ଦାବିପତ୍ର ପ୍ରଦାନ କରାଯାଇଛି। ପ୍ରାୟ ୧ ହଜାରରୁ ଊର୍ଦ୍ଧ୍ୱ ଅଙ୍ଗନୱାଡି ମହିଳା କର୍ମୀ ଏଥିରେ ସାମିଲ ହୋଇଛନ୍ତି। ଯଦି ଓଡ଼ିଶା ସରକାର ତାଙ୍କର ଦାବି ପୂରଣ ନ କରନ୍ତି ତେବେ ଆଗାମୀ ଦିନରେ ଦିଲ୍ଲୀରେ ଆନ୍ଦୋଳନ କରିବା ପାଇଁ ସେମାନେ ଚେତାବନୀ ଦେଇଛନ୍ତି ।
