ବାଲେଶ୍ୱର ଅଫିସ/ସଜନାଗଡ଼,୧୫।୮(ଡି.ଏନ.ଏ.)- ବାଲେଶ୍ୱର ଜିଲା ଶ୍ରୀରାମ ସେନା ପକ୍ଷରୁ ବୁଧବାର ସନ୍ଧ୍ୟା ୬ଟା ସମୟରେ ତ୍ରିରଙ୍ଗା ଯାତ୍ରା ଅନୁଷ୍ଠିତ ହୋଇଥିଲା। ଗାନ୍ଧୀ ସ୍ମୃତି ଭବନଠାରୁ ଶୋଭାଯାତ୍ରା ବାହାରି ସହର ପରିକ୍ରମା କରିଥିଲା। ଶତାଧିକ ଯୁବକ ହାତରେ ତ୍ରିରଙ୍ଗା ପତାକା ଧରି ‘ଭାରତ ମାତା କି ଜୟ’ ନାରା ଦେଇ ଶୋଭାଯାତ୍ରାରେ ସାମିଲ ହୋଇଥିଲେ। ସମଗ୍ର ଦେଶରେ ଶାନ୍ତି, ମୈତ୍ରୀ, ଏକତା ବଜାୟ ରଖିବା ଉଦ୍ଦେଶ୍ୟରେ ଆୟୋଜିତ ଏହି ତ୍ରିରଙ୍ଗା ଯାତ୍ରା ଅବସରରେ ଦୀର୍ଘ ୭୦ ବର୍ଷ ପରେ ଜମ୍ମୁ-କଶ୍ମୀର ପ୍ରସଙ୍ଗ ନେଇ ୩୭୦ ଧାରା ଉଚ୍ଛେଦ କରାଯାଇଥିବାରୁ ପ୍ରଧାନମନ୍ତ୍ରୀ ମୋଦିଙ୍କୁ ଶୁଭେଚ୍ଛା ଜ୍ଞାପନ କରାଯାଇଥିଲା। ଚିତ୍ତରଞ୍ଜନ ପଣ୍ଡା, ରାଜେଶ ମହାପାତ୍ର ଏହି ଯାତ୍ରାର ନେତୃତ୍ୱ ନେଇଥିଲେ।
ଅନୁରୂପ ଭାବେ ନୀଳଗିରିରେ ସ୍ବର୍ଣ୍ଣଚୁଡ ମଣ୍ଡଳ ଯୁବ ସଂଘ ପକ୍ଷରୁ ବୁଧବାର ତ୍ରିରଙ୍ଗା ଯାତ୍ରା ମିତ୍ରପୁର ରାମମନ୍ଦିରଠାରୁ ଆରମ୍ଭ ହୋଇ ନୀଳଗିରି ବଜାର ପରିକ୍ରମା କରିଥିଲା। ଶୋଭାଯାତ୍ରା ମିତ୍ରପୁର ଜଗନ୍ନାଥ ମନ୍ଦିରଠାରେ ପହଞ୍ଚିବା ପରେ ଉଦ୍ଯାପିତ ହୋଇଥିଲା। ସେହିପରି ଉପକଣ୍ଠ ମିରିଗିଣୀଠାରେ ମହାଲକ୍ଷ୍ମୀ ଇଞ୍ଜିନିୟରିଂ କଲେଜର ଛାତ୍ରୀଛାତ୍ର ସ୍ବାଧୀନତା ଦିବସ ପାଳନ ଅବ୍ୟବହିତ ପୂର୍ବରୁ ୧୬୦ ଫୁଟ୍ ଲମ୍ବର ତ୍ରିରଙ୍ଗା ପତାକା ଧରି ପଦଯାତ୍ରାରେ ସହର ପରିକ୍ରମା କରିଥିଲେ। ଏଥିରେ ପାଖାପାଖି ୨୦୦ ଛାତ୍ରୀଛାତ୍ର ଯୋଗ ଦେଇଥିଲେ। କଲେଜର ଅଧ୍ୟକ୍ଷ ଅସିତ୍ କୁମାର ସାହୁ, ନୀଳଗିରି ବିଧାୟକ ସୁକାନ୍ତ କୁମାର ନାୟକ, ଅଧ୍ୟାପିକା ଜୟସ୍ମିତା ମହାନ୍ତ, ଅସିତ୍ କୁମାର ଦାସ, ଟ୍ରଷ୍ଟ ବୋର୍ଡ଼ର ଚେୟାରମ୍ୟାନ ଲକ୍ଷ୍ମୀଧର ସ୍ବାଇଁ ପ୍ରମୁଖ ତ୍ରିରଙ୍ଗା ପଦଯାତ୍ରାରେ ସାମିଲ ଥିଲେ। ବୁଧବାର ସନ୍ଧ୍ୟାରେ ଏକ ମଶାଲ ଶୋଭାଯାତ୍ରା ନୀଳଗିରି ଜଗନ୍ନାଥ ମନ୍ଦିରରୁ ଆରମ୍ଭ ହୋଇ ବଡ଼ଦାଣ୍ଡ ପରିକ୍ରମା କରି ଦୁର୍ଗାମଣ୍ଡପଠାରେ
