ଚିତ୍ରଡ଼ା,୨୮ା୪(ଡି.ଏନ୍.ଏ.)- କରୋନା ପାଇଁ ଗରିବ ଓ ଅସହାୟ ଲୋକଙ୍କୁ ସରକାର ୩ ମାସର ଆଗୁଆ ସହାୟତା ଯୋଗାଇ ଦେଇଥିତ୍ବା ବେଳେ ମୟୂରଭଞ୍ଜ ଜିଲା ମୋରଡା ବ୍ଲକ ଅଧୀନ ଘଳୋମୁଁହା ପଞ୍ଚାୟତ ଅଧୀନ ଆଣୁଆ ଗ୍ରାମର ଏକ ଅସହାୟ ପରିବାର ବହୁ ବିଳମ୍ବରେ ଏହି ସହାୟତା ପାଇଛନ୍ତି। ସୂଚନା ଅନୁଯାୟୀ, ଗ୍ରାମର ଉଲୁ ଟୁଡୁ ଜଣେ ଅସହାୟ ବ୍ୟକ୍ତି। ତାଙ୍କ ପରିବାରରେ ପତ୍ନୀ ରାଙ୍କିନି ଟୁଡୁ ଓ ଏକ ଛୋଟ ପୁଅ ଅଛନ୍ତି। ଲକ୍ ଡାଉନ ସମୟରେ ତାଙ୍କ ପରିବାରକୁ ସରକାରୀ ସହାୟତା ମିଳି ନ ଥିତ୍ବାରୁ ଦୟନୀୟ ଅବସ୍ଥାରେ ସେମାନେ କାଳ କାଟୁଥିଲେ। ଗ୍ରାମର କଳିଙ୍ଗ ସେନାପତି ନାମକ ଜଣେ ବ୍ୟକ୍ତି ଏହି ପରିବାରକୁ ଗୋଟିଏ ବେଳା ଖାଦ୍ୟ ଯୋଗାଇଥିଲେ। ସ୍ଥାନୀୟ ପଞ୍ଚାୟତ କାର୍ଯ୍ୟାଳୟରେ ଏବିଷୟରେ ବାରମ୍ବାର ଜଣାଇ ଥିଲେ ମଧ୍ୟ କିଛି ସୁଫଳ ମିଳି ନ ଥିଲା l ଏସମ୍ପର୍କରେ ଖବରପାଇ ମୋରଡା ବ୍ଲକ କଂଗ୍ରେସ ସଭାପତି ଶଶଧର ବେହେରା ଏବଂ ଜେଏମଏମ ବ୍ଲକ ସମ୍ପାଦକ ପରିତୋଷ ବାରିକ ବିଡିଓ ପ୍ରିୟବ୍ରତ ପାଢ଼ୀଙ୍କୁ ଅବଗତ କରାଇଥିଲେ। ବିଡିଓ ପାଢ଼ୀ ସଂଗେ ସଂଗେ ଉଲୁଙ୍କ ପରିବାରକୁ ସହାୟତା ଯୋଗାଇ ଦେବା ପାଇଁ ସରପଞ୍ଚଙ୍କୁ ନିର୍ଦ୍ଦେଶ ଦେଇଥିଲେ। ସୋମବାରଠାରୁ ଉଲୁଙ୍କ ପରିବାରକୁ ଚାଉଳ, ଡାଲି, ତେଲ ଏବଂ ଅନ୍ୟାନ୍ୟ ଖାଦ୍ୟ ସାମଗ୍ରୀ ଯୋଗାଇ ଦିଆ ଯାଇଥିତ୍ବା ଜଣାପଡିଛି।
