ନୂଆଦିଲ୍ଲୀ,୧୦।୪: ଆମେରିକା ରାଷ୍ଟ୍ରପତିଙ୍କ କାର୍ଯ୍ୟାଳୟର ଅଫିସିୟାଲ ଟୁଇଟର ହ୍ୟାଣ୍ଡେଲ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଫଲୋ କରୁଛି। ଏବେ ବିଶ୍ୱର ଏକମାତ୍ର ନେତାଭାବେ ମୋଦିଙ୍କୁ ହ୍ବାଇଟ ହାଉସ୍ ଫଲୋ କରୁଥିବା ଜଣାପଡିଛି। ସୂଚନାଯୋଗ୍ୟ, ଭାରତ ଆମେରିକାକୁ ୨ ଦିନ ପୂର୍ବରୁ ହାଡ୍ରୋକ୍ସିକ୍ଲୋରୋକୁଇନ୍ ଦେଇଥିବାରୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମୋଦିଙ୍କୁ ଧନ୍ୟବାଦ ଦେବା ସହ ଖୁବ୍ ପ୍ରଶଂସା କରିଥିଲେ। ଏବେ ବିଶ୍ୱର ୨ଶହରୁ ଊର୍ଦ୍ଧ୍ୱ ଦେଶ କରୋନା ଭାଇରସ କବଳରେ ପଡି ଛଟପଟ ହେଉଥିବା ବେଳେ ହାଡ୍ରୋକ୍ସିକ୍ଲୋରୋକୁଇନ୍ ଔଷକ୍ଷ ଏଥିପାଇଁ ଭଲ କାମ କରିବ ବୋଲି ଜଣାପଡିବା ପରେ ଟ୍ରମ୍ପ ଭାରତ ପାଖରୁ ଏହାକୁ ନେବାକୁ ଅନୁରୋଧ କରିଥିଲେ। ଆଉ ମୋଦି ଏହି ଔଷଧ ଆମେରିକାକୁ ଦେଇଥିବାରୁ ସେ ମୋଦିଙ୍କୁ ଧନ୍ୟବାଦ ଦେଇଛନ୍ତି। ସୂଚନାଯୋଗ୍ୟ, ଆମେରିକାରେ ଏବେ କରୋନା ତା’ର କାୟା ବିସ୍ତାର କରିଥିବା ବେଳେ ଏବେ ସେଠାରେ ଦିନକୁ ହଜାର ହଜାର ସଂକ୍ରମିତଙ୍କୁ ଚିହ୍ନଟ କରାଯିବା ସହ ଶହଶହ ଲୋକଙ୍କର ଏଥିରେ ମୃତ୍ୟୁ ହେଉଛି।
