ନୂଆଦିଲ୍ଲୀ,୧୯।୮: ବହୁଦିନ ଧରି ଅସୁସ୍ଥ ଥିବା ବିହାରର ପୂର୍ବତନ ମୁଖ୍ୟମନ୍ତ୍ରୀ ଜଗନ୍ନାଥ ମିଶ୍ରଙ୍କ ପରଲୋକ ହୋଇଛି। ସୋମବାର ଦିଲ୍ଲୀଠାରେ ସେ ୮୨ ବର୍ଷ ବୟସରେ ଶେଷ ନିଃଶ୍ୱାସ ତ୍ୟାଗ କରିଥିବା ସୂଚନା ମିଳିଛି। ଶ୍ରୀ ମିଶ୍ର ଏକାଧାରାରେ ଜଣେ ଶିକ୍ଷକ ଓ ରାଜନେତା ଥିଲେ। ବିହାରରେ ୩ ଥର ମୁଖ୍ୟମନ୍ତ୍ରୀ ସହ ସେ କେନ୍ଦ୍ର କ୍ୟାବିନେଟରେ ମଧ୍ୟ ମନ୍ତ୍ରୀ ପଦ ସମ୍ଭାଳିଥିଲେ। ପ୍ରଥମେ ସେ ଭାରତୀୟ ଜାତୀୟ କଂଗ୍ରେସରେ ଥିବା ବେଳେ ପରେ ନ୍ୟାଶନାଲିଷ୍ଟ କଂଗ୍ରେସ ପାର୍ଟି(ଏନ୍ସିପି) ଓ ଜନତା ଦଳ-ୟୁନାଇଟେଡ(ଜେଡି-ୟୁ)ରେ ଯୋଗ ଦେଇଥିଲେ। ବିହାର ୟୁନିଭର୍ସିଟିରେ ଅର୍ଥନୀତିର ଅଧ୍ୟାପକ ଥିବା ବେଳେ ପରବର୍ତ୍ତି ସମୟରେ ପ୍ରାଧ୍ୟାପକ ଭାବେ କାମ କରିଥିଲେ। ଗତବର୍ଷ ୨୨ ଜାନୁୟାରୀରେ ତାଙ୍କ ସ୍ତ୍ରୀ ବିଣାଙ୍କର ପରଲୋକ ହୋଇଥିଲା।
