ବୁଗୁଡ଼ା ବ୍ଲକ: ୩ ସନ୍ଦିଗ୍ଧଙ୍କୁ ପରୀକ୍ଷା ପାଇଁ ପଠାଗଲା ବ୍ରହ୍ମପୁର
7:34 amApril 28, 2020 / 21

ବୁଗୁଡ଼ା,୨୮ା୪(ଡି.ଏନ.ଏ.)-ବୁଗୁଡ଼ା ବ୍ଲକର ୩ ସନ୍ଦିଗ୍ଧଙ୍କୁ ପରୀକ୍ଷା ପାଇଁ ସୋମବାର ବ୍ରହ୍ମପୁର ବଡ ମେଡିକାଲକୁ ପଠାଯାଇଥିବା ବିଡିଓ ତଥା ନୋଡାଲ ଅଧିକାରୀ ତନ୍ମୟ ପାତ୍ର କହିିଛନ୍ତି। ଭୁବନେଶ୍ୱର ବମିଖାଲ ଅଞ୍ଚଳରୁ ଫେରିଥିବା ମୋଟାବାଡ଼ି ପଞ୍ଚାୟତ ଅଞ୍ଚଳର ଜନୈକ ବ୍ୟକ୍ତି ସଂଗରୋଧ କେନ୍ଦ୍ରରେ ଥିବା ବେଳେ ତାଙ୍କର କରୋନାର କେତେକ ଲକ୍ଷଣ ଦେଖାଯିବା ଯୋଗୁ ତାଙ୍କୁ ବ୍ରହ୍ମପୁର ପରୀକ୍ଷା ପାଇଁ ପଠାଯାଇଥିଲା। ସେହିପରି ସୁନ୍ଦରଗଡ଼ରୁ ଫେରିଥିବା ଜଣେ ଓ ପଶ୍ଚିମବଙ୍ଗରୁ ଫେରିଥିବା ଆଉ ଜଣେ ବ୍ୟକ୍ତି ସଂଗରୋଧ କେନ୍ଦ୍ରରେ ଥିବା ବେଳେ ତାଙ୍କର ମଧ୍ୟ କେତେକ ଲକ୍ଷଣ ଦେଖାଯିବା ଯୋଗୁ ଏମାନଙ୍କୁ ମଧ୍ୟ ପରୀକ୍ଷା ପାଇଁ ବ୍ରହ୍ମପୁର ପଠାଯାଇଛି। ମଙ୍ଗଳବାର ଆଉ ୨ ଜଣଙ୍କୁ ପରୀକ୍ଷା ପାଇଁ ପଠାଯିବ ବୋଲି ବିଡିଓ କହିଛନ୍ତି।