ଚିକିଟିି,୨ା୩(ଡି.ଏନ.ଏ.) ଗଞ୍ଜାମ ଜିଲା ସୁନପୁର ବେଳାଭୂମିରୁ ରବିବାର ଏକ ମୃତ ସାର୍କ ମାଛକୁ ବ୍ରହ୍ମପୁର ଡିଏଫ୍ଓ ଅମ୍ଲାନ କୁମାର ନାୟକ ଉଦ୍ଧାର କରିଛନ୍ତି। ମାଛଟି ସମୁଦ୍ର ଲହଡ଼ିରେ କୂଳରେ ଲାଗିଥିଲା। ଏହାକୁ ଦେଖି ମତ୍ସ୍ୟଜୀବୀମାନେ ସମୁଦ୍ର ଭିତରକୁ ଠେଲି ଦେଇଥିଲେ। କିନ୍ତୁ ପୁଣି ମାଛଟି ଲହଡ଼ି ମାଡ଼ରେ କୂଳରେ ଲାଗିବାରୁ ମତ୍ସ୍ୟଜୀବୀମାନେ ବନ ବିଭାଗକୁ ଜଣାଇଥିଲେ। ଡିଏଫ୍ଓ ବେଳାଭୂମିରେ ପହଞ୍ଚତ୍ ମୃତ ସାର୍କକୁ ଜବତ କରିବା ସହ ସୋମବାର ଚିକିଟି ପ୍ରାଣୀ ଚିକିତ୍ସକଙ୍କ ଦ୍ୱାରା ବ୍ୟବଚ୍ଛେଦ କରାଯିବ ବୋଲି ସୂଚନା ଦେଇଛନ୍ତି। ମତ୍ସ୍ୟଜୀବୀଙ୍କ କହିବା ପ୍ରକାରେ, ମାଛର ଲମ୍ବ ୨୦ ରୁ ୨୫ ଫୁଟ ହୋଇଥିବା ଜଣାପଡୁଥିଲା। ସୋମବାର ମାପ ପରେ ଏହାର ଲମ୍ବା ଜଣାପଡ଼ିବ ବୋଲି ଡିଏଫ୍ଓ କହିଛନ୍ତି।
